The news is by your side.

روس سے پہلے ہی تیل خرید لیتے تو آج یہ حال نہ ہوتا، فہمیدہ مرزا

اسلام آباد : قومی اسمبلی کے ایوان میں بھی ہوشربا مہنگائی کی گونج سنائی دی، گرینڈ ڈیموکریٹک الائنس (جی ڈی اے) کی رہنما فہمیدہ مرزا حکومت پر برس پڑیں۔

قومی اسمبلی کے اجلاس میں اظہار خیال کرتے ہوئے انہوں نے کہا کہ انکم پر تو ٹیکس کٹتا ہے کچھ بھی خرید لیں ہرچیز پر ٹیکس کٹتا ہے، ہم جیسوں کی کمر ٹوٹ گئی مگر غریب تومزید س بوجھ تلے دبتا جارہا ہے، دیکھتے دیکھتے پٹرولیم مصنوعات کی قیمتیں ڈبل ہوجائیں گی۔

فہمیدہ مرزا نے کہا کہ سنا ہے کہ حکومت روس سے تیل خریدنے جارہی ہے، اگر یہی سب کچھ آتے ہی کرلیتے توآج غریب پر زیادہ بوجھ نہ پڑتا، پیٹرول اور ڈیزل کا بڑھنا قابو سے باہر ہے۔،

انہوں نے کہا کہ پیٹرول اور ڈیزل بڑھنے سے ہرچیز کی قیمت بڑھ جاتی ہے، کراچی میں جو40ہزار انڈسٹریز ہیں وہ بند ہوجائیں گی۔

جی ڈی اے رہنما نے کہا کہ کےالیکٹرک کو ہر طرح سے فائدہ دیا گیا، کراچی کے حالات دیکھ کر لگتا ہے لا اینڈ آرڈر کی صورتحال پیدا ہوجائےگی، جہاں24گھنٹےکی لوڈشیڈنگ ہوگی تو لوگ کہاں جائیں گے؟

انہوں نے کہا کہ آپ نے ایل این جی نہیں خریدی کیوں کہ مہنگی ہوگئی ہے، اگرعالمی منڈی میں پٹرول سستا ہوگا تو کیا آپ عوام کو ریلیف دینگے؟

خاتون رکن قومی اسمبلی نے شکوہ کیا کہ میرے حلقے کی تمام ترقیاتی اسکیمیں ہٹادی گئی ہیں، 2018میں سندھ کا سودا ہوگیا تھا ویسے تواس سے پہلے بھی ہوتا رہا ہے، ہم تھے ہم نے بی بی کے ساتھ مل کر ڈکٹیٹرز سے مقابلے کیے تھے۔

فہمیدہ مرزا کا کہنا تھا کہ جواتحادی یہاں بیٹھے ہیں سچ بتائیں کیا ان کےساتھ انصاف ہوا ہے، سندھ میں لوکل گورنمنٹ الیکشن میں مکمل طورپردھاندلی ہوئی ہے، آپ اپنی انتظامیہ ،ایڈمنسٹریشن کونیوٹرل کریں پھردیکھیں الیکشن۔

اداروں نے آنکھیں نہ کھولیں،عقل کے ناخن نہ لیے تو ہم ڈیزاسٹر کی طرف آچکے ہیں، آپ حج عمرہ کر آئے ان99ناموں کے نیچے بیٹھے ہیں خدارا کچھ کریں۔

میں بار بار پانی کی بات کرتی ہوں، میرے حلقے میں پانی کے حوالے سےایک دھیلہ نہیں رکھا، ہم نے کوشش کی تھی بچوں کیلئے اسپورٹس گراؤنڈ بنادیں گے، خدا کیلئے سندھ کو پیسےدیں۔

 

Comments

یہ بھی پڑھیں