The news is by your side.

Advertisement

آرٹیکل 370 کا خاتمہ، پاکستان کو ہر فورم پر آواز اٹھانی ہوگی: فہمیدہ مرزا

اسلام آباد: وفاقی وزیر برائے بین الصوبائی رابطہ فہمیدہ مرزا نے کہا ہے کہ بھارت نے جو کچھ کیا، وہ یو این قراردادوں کی خلاف ورزی ہے.

ان خیالات کا اظہار انھوں نے پارلیمنٹ میں خطاب کرتے ہوئے کیا. ان کا کہنا تھا کہ پوائنٹ اسکورنگ، سیاسی ایجنڈے کو مشترکہ اجلاس میں نہیں لانا چاہیے.

فہمیدہ مرزا نے کہا کہ ماضی کی غلطیوں کے ذمے دار سابق حکمران ہیں، بھارت میں اپوزیشن نے بھی غیرقانونی اقدام کی مذمت کی ہے، مودی سرکار کشمیر کی جغرافیائی حیثیت تبدیل کرناچاہتی ہے.

مزید پڑھیں: ھارت نے صرف کشمیر  نہیں، چین کی خود مختاری پر بھی حملہ کیا ہے: مراد سعید

انھوں نے کہا کہ اہم قومی امور کو سیاست کی نذر نہیں کرنا چاہیے، بھارتی اقدام بین الاقوامی قراردادوں کی خلاف ورزی ہے، ہمیں سمجھنے کی ضرورت ہے کہ بھارت کیا کرنے جا رہا ہے، پاکستان کو ہر فورم پر بھرپور آواز اٹھانا ہوگی.

فہمیدہ مرزا نے کہا کہ بھارت نے مس ایڈونچر کیا، تو سب سیسہ پلائی دیوار کی طرح ایک ہوں گے، جوہری طاقتوں کا خطہ جنگ کا متحمل نہیں ہو سکتا، مسئلہ کشمیرپرپارلیمانی ڈپلومیسی کوبھی سرگرم کیا جائے۔

انھوں نے کہا کہ دوقومی نظریہ زندہ ہے اور  زندہ رہے گا، ہم سب کو متحد ہو کرایک پیغام دیناہوگا، ، بھارت کےخلاف ہرفورم آواز اٹھائی جائے.

Comments

comments

یہ بھی پڑھیں