site
stats
پاکستان

پنجاب حکومت کی رکاوٹوں کے باعث ٹریفک میں پھنسی خاتون اور بچہ دم توڑگئے

راولپنڈی/لاہور : قصاص اور احتساب ریلیوں کے پیش نظر حکومت پنجاب کی جانب سے لاہور اور راولپنڈی کو کنٹینر لگا کر بند کردیا گیاٹریفک جام ہونے کے باعث لاہور میں ایک بچہ اور راولپنڈی میں بروقت اسپتال نہ پہنچنے پرایک مریضہ ایمبولینس میں ہی دم توڑ گئے۔

تفصیلات کے مطابق پاکستان عوامی تحریک نے آج راولپنڈی میں تحریک قصاص کے تحت ریلی نکالنے کا اعلان کررکھا ہے جس کے بعد پنجاب حکومت نے حفاظت کے نام پرعوامی مسلم لیگ کے سربراہ شیخ رشید کے گھر لال حویلی کو سیل کرنے کے ساتھ ساتھ پورے شہرکو کنٹینر لگا کربند کردیا ہے۔

PTI-POST-1

اسی سے متعلق : راولپنڈی پہنچنے سے پہلے راستے کلیئر کردیے جائیں ورنہ ذمہ دار حکومت ہوگی،طاہرالقادری

جگہ جگہ لگے کنٹینرز اور روکاٹوں کے باعث شہریوں کو سخت مشکلات کا سامنا کرنا پڑ رہا ہے یہاں تک کے مریض امداد نہ ملنے کے باعث سڑک پر ہی دم توڑ رہے ہیں جس کی مثال مری روڈ پر ایمبولینس میں موجود خاتون ہیں

PTI-POST-4

جب کہ دوسری طرف تحریک انصاف کی ریلی کے پیش نظر لاہور شہر کی سڑکوں پرکنٹینر لگا کربند کردیا گیا ہے جس کی وجہ سے لاہورکی مرکزی شاہراہ پرایمبولینس میں موجود بچہ بروقت طبی امداد نہ ملنے پرایمبولینس میں دم توڑ گیا۔

PTI-POST-2

اس افسوسناک واقعے کے بعد شہریوں میں غم و غصہ کی لہر دوڑ گئی ہے اور وہ حکومت سے مطالبہ کر رہے ہیں کہ اہم اور مصروف شاہراہوں سے کنٹیرز سمیت تمام رکاوٹوں کو ہٹائے تا کہ شہری بآسانی اپنی منزلوں تک پہنچ سکیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top