تاجر خواتین کا وفد دس روزہ دورے پر بیلجیم اور فرانس روانہ، کاروباری امکانات کا جائزہ لیا جائے گا
The news is by your side.

Advertisement

تاجر خواتین کا وفد دس روزہ دورے پر بیلجیم اور فرانس روانہ، کاروباری امکانات کا جائزہ لیا جائے گا

برسلز: اسلام آباد ویمن چیمبر آف کامرس کا ایک وفد کاروباری امکانات کا جائزہ لینے بیلجیم اور فرانس کے دس روزہ دورے پر راونہ ہوگیا۔

تفصیلات کے مطابق تاجر خواتین پر مشتمل دس رکنی وفد ایف پی سی سی آئی کے سابق نائب صدر نائمہ انصاری کی قیادت میں برسلز کا دورے کرنے اور نجی و سرکاری شعبہ کی اہم شخصیات سے ملاقاتوں کے بعد پیرس بھی جائے گا۔

پیرس میں فیشن اور بیوٹی انڈسٹری کا تفصیلی مطالعہ کیا جائے گا جبکہ دونوں ممالک میں پاکستان کے سفیروں سے ملاقات بھی شیڈول کا حصہ ہے۔

اسلام آباد ویمن چیمبر کے جاری بیان کے مطابق ویمن چیمبر کا وفد دونوں ممالک میں مختلف تجارتی تنظیموں اور تجارتی حکام سے تفصیلی ملاقاتیں کرے گا جبکہ کئی نمائشوں میں بھی شرکت کر کے درامدات اور برامدات کے امکانات کا جائزہ لیا جائے گا۔

چینی تاجروں کے وفد کا اسلام آباد چیمبر آف کامرس کا دورہ

اس دورے میں دونوں ممالک میں موجود پاکستان سرمایہ کاروں سے بھی تبادلہ خیال کیا جائے گا جبکہ وہاں کے سرمایہ کاروں کو پاکستان میں سرمایہ کاری اور سی پیک کے پوٹینشل سے آگاہ کیا جائے گا۔

ملک میں سی پیک کی وجہ سے پاکستان اس خطہ میں ایک اہم تجارتی مرکز کی حیثیت سے ابھر رہا ہے، ان ممالک میں ٹیکسٹائل، چاول اور حلال اشیاء کی برامدات میں اضافہ کی کوشش کی جائے گی جبکہ پاکستانی مصنوعات بھی متعارف کروائی جائیں گی۔

Comments

comments

یہ بھی پڑھیں