The news is by your side.

Advertisement

خاتون رنگے ہاتھوں پکڑی گئی، بیگ سے کیا برآمد ہوا، پولیس پریشان

نئی دہلی : بنارس کے لال بہادر شاستری بین الاقوامی ہوائی اڈے پر ایک خاتون سے17 لاکھ روپے مالیت کا سونا برآمد ہوا ہے۔ ملزمہ جہاز کے ذریعہ شارجہ سے وارانسی آئی تھی، کسٹم ڈپارٹمنٹ نے ملزمہ کو گرفتار کرلیا ہے۔

ریاست اترپردیش کے ضلع بنارس میں واقع لال بہادر شاستری بین الاقوامی ہوائی اڈہ پر اکثر شارجہ سے آنے والے طیاروں میں اسمگل ہونے والا سونا برآمد کیا جا رہا ہے، مسافر نت نئے طریقوں سے سونے کو چھپانے کی کوشش کرتے ہیں۔

جمعہ کے روز ایک طیارہ میں ایک خاتون کو تقریبا 17 لاکھ روپے مالیت کے مساوی سونے کے زیورات اور کچے سونے کے ساتھ گرفتار کیا گیا تھا۔

اہم بات یہ ہے کہ قانون کی گرفت سے بچنے کے لئے عورت نے سونے کو عطر کی بوتل اور موتیوں کے ہار میں چھپا رکھا تھا، اس کے علاوہ محکمہ کسٹم نے ایک آئی فون بھی ضبط کیا ہے۔

بھارتی میڈیا کے مطابق شارجہ سے فلائٹ نمبر آئی ایکس 1184 کے ذریعہ بنارس پہنچنے والی خاتون مسافر سے 355.65گرام سونا برآمد ہوا ہے۔

محکمہ کسٹم کے افسر نے بتایا کہ سونے کی قیمت تقریبا 17 لاکھ روپے سے زائد ہے اس کے علاوہملزمہ کے قبضے سے ایک عدد موبائل آئی فون بھی ضبط کیا گیا ہے جس کی قیمت تقریبا 74 ہزار روپے تک ہے۔

Comments

یہ بھی پڑھیں