تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بھارت : خاتون سافٹ ویئر انجینئر نے خود کشی کرلی

نئی دہلی : بھارت میں خاتون سافٹ ویئر انجینئر نے شوہر سے جھگڑے کے بعد اپنی زندگی کا خاتمہ کرلیا، خود کشی سے قبل اپنی موت کی وجہ بھی بتا دی، پولیس نے شوہر کو گرفتار کرلیا۔؎

تفصیلات کے مطابق بھارتی ریاست تلنگانہ کے ضلع رنگاریڈی کے شمس آباد میں ایک خاتون سافٹ ویئر انجینئر نے خودکشی کرلی۔ اس کی شناخت لاونیا کے نام سے کی گئی ہے۔

متوفیہ شمس آباد میں رہائش پذیر تھی اور ایک سافٹ ویئر کمپنی میں ملازم تھی۔ خاتون کے شوہر وینکٹیشورا راؤ ایک نجی ائر ویز میں پائلٹ کی حیثیت سے کام کرتے ہیں۔ ان کی شادی آٹھ برس قبل ہوئی تھی۔

لاونیا نے مقامی پولیس اسٹیشن میں شکایت درج کرائی کہ اس کا شوہر کچھ دن سے اسے ہراساں کررہا ہے۔ جمعرات کی رات اس خاتون نے اپنے گھر میں چھت سے لٹک کر خودکشی کرلی۔

اس نے اپنی وفات سے قبل فیس بک پر دوستوں کے ساتھ اپنا غم شیئر کیا۔ اس نے بتایا کہ اس کے شوہر جس سے اسے سب سے زیادہ پیار ہے اسے مارا پیٹا اور تکلیف دی ہے۔

اپنی پوسٹ میں اس نے بتایا تھا کہ ‘ماں میں اب زندہ رہنے کے قابل نہیں ہوں اس کا مجھے افسوس ہے۔ آپ نے مجھے پیار سے پالا ہے۔ لیکن اب میں بہت دور جا رہی ہوں۔ اب میں اپنے شوہر کے ساتھ نہیں رہ سکتی۔

متوفیہ لاونیا کے بھائی نے الزام عائد کیا ہے کہ لاونیا کو ان کے شوہر وینکٹیشورا راؤ نے مسلسل ہراساں کیا تھا۔ متوفیہ کی والدہ کا کہنا ہے کہ لاونیا کے شوہر نے ایک شادی کر رکھی تھی جس کے بارے میں پوچھنے پر وہ لاونیا پر تشدد کرتا تھا۔

پولیس نے واقعے کا مقدمہ درج کرلیا ہے اور متوفیہ کے شوہر وینکٹیشورا راؤ کو گرفتار کرکے تفتیش شروع کر دی ہے۔

Comments

- Advertisement -