یورپا لیگ کی فاتح‌ ایٹلیٹکو میڈرڈ کا وطن لوٹنے پر شان دار استقبال Atletico Madrid
The news is by your side.

Advertisement

یورپا لیگ کی فاتح‌ ایٹلیٹکو میڈرڈ کا شان دار استقبال، فرنانڈو ٹورس کی آنکھوں میں‌ خوشی کے آنسو

میڈرڈ: یورپا لیگ جیتنے کے بعد وطن لوٹنے والی ایٹلیٹکو میڈرڈ کی ٹیم کا شان دار استقبال کیا گیا، ایک بڑے مجمع سے خطاب کرتے ہوئے ٹیم کے اسٹرائیکر فرنانڈو ٹورس کی آنکھوں میں‌ آنسو تیر گئے.

تفصیلات کے مطابق معروف اسپینش کلب ایٹلیٹکو میڈرڈ کے کھلاڑی جب یورپا لیگ کے فاتح‌ کی حیثیت سے میڈرڈ میں‌ داخل ہوئے، تو جشن مناتے ہزاروں مداحوں نے ان کی استقبال کیا.

میڈرڈ شہر کی پہچان تصور کیے جانے والے نیپٹونو اسکوائر پر یورپا چیمپئنز کا پرجوش استقبال ہوا، ایٹلیٹکو میڈرڈ کی ٹیم نے بس میں میڈرڈ کے مشہور علاقے کا چکر لگایا، کھلاڑیوں کی ایک جھلک دیکھنے کے لئے ہزاروں شہری سڑکوں پر امڈ آئے. اس دوران کھلاڑی اور ٹیم مینیجنمنٹ نے ٹرافی کے ساتھ جیت کا جشن منایا۔

یاد رہے کہ ایٹلیٹکو میڈرڈ نے فائنل میں فرنچ کلب مارسے کو شکست دے کرتیسری مرتبہ یورپا لیگ کا ٹائٹل اپنے نام کیا تھا۔

اس موقع پر مجمعے کے سامنے تقریر کرتے ہوئے معروف اسپینش کھلاڑی فرنانڈو ٹورس جذباتی ہوگئے اور ان کی آنکھوں میں نمی تیر گئی. واضح رہے کہ یہ فرنانڈو ٹورس کا ایٹلیٹکو میڈرڈ کے ساتھ آخری میچ تھا.

اس کلب سے اپنے کیریر کا آغاز کرنے والے معروف اسپینش کھلاڑی نے کہا کہ وہ انگلش کلب چیلسی کے ساتھ بھی یورپا لیگ جیت چکے ہیں، مگر یہ موقع بہت خاص ہے، کیوں‌ کہ انھوں نے ہمیشہ اس کلب کی حمایت کی ہے.


اسپینش فٹ بال کلب ایٹلیٹکو میڈرڈ نے یورپا لیگ جیت لی


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیاپر شیئر کریں۔  

Comments

comments

یہ بھی پڑھیں