The news is by your side.

Advertisement

اداکار فیروز خان بھی کپتان کے کراچی جلسے میں پہنچے، تصاویر وائرل

کراچی : ٹی وی اور فلم کے معروف اداکار فیروز خان بھی عمران خان کے مداح نکلے، انہوں نے کراچی میں ہونے والے جلسے میں شرکت پر مسرت کا اظہار کیا ہے۔

پاکستانی شوبز انڈسٹری کے اداکار فیروز خان نے اپنی انسٹا اسٹوریز پر گزشتہ روز ہونے والے پی ٹی آئی کے جلسے سے چند ویڈیوز شیئر کی ہیں۔

فیروز خان مستقبل میں بننے والی پاکستانی تاریخ کا حصّہ بننے پر خوش

اُنہوں نے اپنی ایک ویڈیو شیئر کرتے ہوئے لکھا کہ وہ اب کراچی میں اسٹیج پر ہیں۔ اُنہوں نے ایک اور ویڈیو شیئر کرتے ہوئے لکھا کہ "واؤ” وہ اس تاریخ کا حصّہ ہیں جوکہ بننے جارہی ہے۔

فیروز خان کی جانب سے شیئر کی گئی ایک اور ویڈیو میں سینئر پاکستانی اداکار فرحان علی آغا کو بھی جلسے میں موجود دیکھا جاسکتا ہے۔

فیروز خان مستقبل میں بننے والی پاکستانی تاریخ کا حصّہ بننے پر خوش

خیال رہے کہ گزشتہ روز کراچی میں ہونے والے عمران خان کے جلسے میں جہاں کراچی کی عوام نے بہت بڑی تعداد میں شرکت کی وہیں جلسے میں کئی نامور شوبز شخصیات کو بھی دیکھا گیا۔

سائرہ یوسف بھی کپتان کے جلسے میں شریک، تصاویر وائرل

اس کے علاوہ معروف پاکستانی اداکارہ سائرہ یوسف کی پاکستان تحریک انصاف کے جلسے میں شرکت کی تصاویر سوشل میڈیا پر وائرل ہوگئیں، لوگوں نے انہیں سابق وزیراعظم عمران خان کو سپورٹ کرنے پر بے حد سراہا۔

فیروز خان مستقبل میں بننے والی پاکستانی تاریخ کا حصّہ بننے پر خوش

واضح رہے کہ پاکستان شوبز انڈسٹری کی نامور شخصیات اس وقت سے ہی عمران خان سے اظہارِ یکجہتی کر رہی ہیں، جب عمران خان کے خلاف اپوزیشن نے قومی اسمبلی میں تحریکِ عدم اعتماد جمع کروائی تھی۔

Comments

یہ بھی پڑھیں