کراچی: پاکستان شوبز انڈسٹری کے معروف اداکار فیروز خان نے بھارتی اداکارہ کنگنا رناوت کو چائے یاد دلادی۔
تفصیلات کے مطابق اداکار فیروز خان نے سماجی رابطے کی ویب سائٹ ٹویٹر پر اداکارہ کنگنا رناوت پر تنقید کرتے ہوئے انہیں پاکستان میں چائے پینے کی دعوت دے دی۔
اس سے قبل فلم فیئر کے تصدیق شدہ اکاؤنٹ سے کنگنا رناوت کی نئی فلم تیجاس کا پوسٹر شیئر کیا گیا جس میں کنگنا بھارتی فضائیہ کی یونیفارم پہنے لڑاکا طیارے کے سامنے کھڑی ہیں۔
فیروز نے اس پوسٹر پر ردعمل دیتے ہوئے لکھا کہ ’نئے لڑاکا طیارے؟ کبھی وقت نکال کر ہمارے ساتھ چائے پینے آئیں۔
new jets ?? I see ! Come over for chai sometime with us 🌹@KanganaTeam https://t.co/aNwkd0Bw8f
— Feroze Khan (@ferozekhaan) August 28, 2020
واضح رہے کہ 27 فروری 2019 کو بھارتی پائئلٹ ابھی نندن کو پکڑ کر پاک فضائیہ کی جانب سے چائے پیش کی گئی تھی جسے انہوں نے ٹی از فنٹاسٹک‘ کہہ کر اپنی پسندیدگی کا اظہار کیا تھا۔
فیروز خان کو اس ٹویٹ پر پڑوسی ملک میں موجود لوگوں کی جانب سے تنقید کا نشانہ بنایا گیا اور نہ ختم ہونے والی بحث چھڑ گئی۔
اس بحث کا جواب دیتے ہوئے اداکار نے لکھا کہ میں ہمیشہ اس چیز پر لڑتا رہوں گا جو میرے خیال میں ٹھیک ہے، مجھے فرق نہیں پڑتا کوئی کیا سوچتا ہے۔
and that’s what I am now about to do at the cost of anything I will fight for what I think is right… I don’t care who thinks what. https://t.co/OU3DqGFdWd
— Feroze Khan (@ferozekhaan) August 28, 2020
یاد رہے کہ 27 فروری کے روز پاک فضائیہ نے بھارتی طیارہ مار گرایا تھا اور پائلٹ ابھی نندن کو حراست میں لے لیا گیا تھا لیکن جذبہ خیرسگالی کے تحت بعدازاں اسے رہا کردیا گیا تھا۔
