شوبز انڈسٹری کے معروف اداکار فیروز خان نے اپنی وائرل ہونے والی ویڈیو پر وضاحت دے دی۔
اداکار فیروز خان کی گزشتہ دنوں ایک ویڈیو وائرل ہوئی تھی جس میں انہیں خاکی رنگ کے لفافے میں لپٹی ہوئی ایک بوتل سے کچھ پیتے دیکھا گیا تھا۔
فیروز خان پر سوشل میڈیا صارفین کی جانب سے شراب نوشی کا الزام عائد کیا گیا تھا تام اب اداکار نے انسٹاگرام پر الزامات پر سخت ردعمل دیا ہے۔
اداکار نے انسٹاگرام پر ویڈیو شیئر کی جس میں خاکی لفافے والی بوتل بھی ان کے پاس رکھی دیکھی جاسکتی ہے۔
فیروز کا کہنا تھا کہ سوشل میڈیا پر میری دوست کے ہمراہ ایک ویڈیو وائرل ہوئی جو کہ میرا ذاتی وقت تھا لیکن اس دوران سب نے اپنی (خاکی رنگ کے لفافے میں رکھے مشروب پر ) رائے کا اظہار کیا۔
فیروز خان نے ناقدین سے کہا کہ ہر بات کا ’بتنگڑ ‘ بنا لیتے ہو، لیکن میں کسی کو اپنی نجی زندگی میں کی جانے والی مصروفیات کا جوابدہ نہیں ہوں۔
فیروز نے مداحوں سے سوال کیا کہ تم لوگ جاننا چاہتے ہوں اس لفافے میں کیا تھا؟ بعد ازاں فیروز نے بوتل پر موجود لفافی خاکہ اتار دیا جس میں سے ایک سوفٹ ڈرنک دیکھا جا سکتا ہے۔
