اے آر وائی ڈیجیٹل کے ڈرامہ سیریل ’حبس‘ میں فیروز خان (باسط) نے اشناہ شاہ (عائشہ) کو طلاق کی دھمکی دے دی۔
ڈرامہ سیریل ’حبس‘ میں فیروز خان (باسط)، اشنا شاہ (عائشہ)، عائشہ عمر (روہا)، اسرا غزل (سعدیہ باسط کی والدہ)، جاوید شیخ، عمران اسلم، صبا فیصل (عائشہ کی والدہ)، حنا رضوی، دانیہ انور(بانو) ودیگر مرکزی کردار نبھا رہے ہیں۔
ڈرامے میں فیروز خان ایک امیر بزنس مین کے بیٹے ’باسط‘ کا کردار نبھا رہے ہیں جن کا بچپن والدہ کے بغیر گزرا ہے کیونکہ والدہ انہیں چھوڑ کر چلی جاتی ہیں اور باسط کی پرورش والد کرتے ہیں لیکن وہ بچپن میں والدہ کی تنہائی کے ساتھ بڑے ہوتے ہیں اور رو رو کر اپنی والدہ کو یاد کرتے ہیں اور جب جوانی میں اچانک والدہ آتی ہیں وہ انہیں دیکھ کر غصہ ہوتے ہیں۔
مداحوں کی جانب سے فیروز خان کے اس کردار کی خوب تعریف کی جارہی ہے اور مداحوں کا کہنا ہے کہ ماں سے رویہ، آفس کی ذمہ داری، جلد شادی کرنے کا دباؤ باسط کا کردار لاجواب ہے۔
This man is killing it every week!@ferozekhaan you are nailing the character❤️#FerozeKhan #Habs pic.twitter.com/o42nm21MOK
— (@Islamic_Page0) May 31, 2022
گزشتہ قسط میں دکھایا گیا کہ ’باسط عائشہ سے شادی کرنے کے بعد ان پر شک کرنے لگے ہیں اور انہیں لگتا ہے کہ عائشہ کا ان کے بچپن کے دوست فہد کے ساتھ کوئی تعلق ہے لیکن وہ غلط فہمی میں مبتلا ہیں اہلیہ اور فہد باسط کے کوئی سچائی چھپا رہے ہیں لیکن وہ انہیں ابھی تک اس کا بتا نہیں رہے۔‘
جب فہد کی والدہ اور کھانے پر آتی ہیں کہ تو ’فہد عائشہ کے بنائے کھانے کی تعریف کررہے ہیں جسے باسط خاموشی سے سن رہے ہوتے ہیں اور چپ چاپ عائشہ کی طرف دیکھ رہے ہوتے ہیں۔‘
فہد کی والدہ کہتی ہیں کہ ’باسط تم ہی اس کو سمجھاؤ شادی کرلے۔‘ اس پر باسط کہتے ہیں کہ ’آنٹی صحیح کہہ رہی ہیں شادی کرلو لیکن دوست کہتے ہیں کہ ’کرلوں گا شادی لیکن عائشہ بھابھی جیسی سمجھدار لڑکی ملیں تب کروں گا۔‘
باسط یہ جملہ سن کر پھر عائشہ کی طرف دیکھتے ہیں اور عائشہ بھی باسط کی نظروں کو سمجھ جاتی ہیں۔‘
اگلی قسط کے پرومو میں دکھایا گیا ہے کہ ’باسط نے عائشہ کی والدہ کو کہہ دیا کہ میں آپ کو طلاق کے کاغذات بھجوا دوں گا۔‘
کیا باسط عائشہ کو چھوڑنے کے بعد پھر سے تنہا ہوجائیں گے، یا پھر ان کی غلط فہمی دور ہوجائے گی؟ یہ جاننے کے لیے اگلی قسط ہر منگل کی رات 8 بجے دیکھیں۔
