The news is by your side.

Advertisement

یوریا کھاد افغانستان اسمگل کرنے کی کوشش ناکام

 موچکو پولیس نے مسافر کوچ پر چھاپہ مار کر بڑی تعداد میں یوریا کھاد کی بوریاں بیرون ملک اسمگل کرنے کی کوشش ناکام بنا دی۔

اس حوالے سے ایس ایس پی کیماڑی فدا جانوری نے میڈیا کو بتایا کہ موچکو پولیس نے خفیہ اطلاع پر بڑی کارروائی کرتے ہوئے، یوریا کھاد افغانستان اسمگل کرنے کی کوشش ناکام بنادی ہے۔

ایس ایس پی کیماڑی نے دیگر تفصیلات بتاتے ہوئے کہا کہ مسافر کوچ سے150بوری یوریا کھاد برآمد کی گئی ہیں، ڈرائیور کو گرفتار کرکے مقدمہ درج کرلیا گیا ہے۔

انہوں نے بتایا کہ یوریا کھاد کی یہ بوریاں یہاں سے بلوچستان پہنچا کر افغانستان اسمگل کی جاتی ہیں، گرفتار ملزم کو کسٹمز حکام کے حوالے کردیا گیا ہے۔

پولیس حکام کے مطابق4جنوری کو وفاقی سیکریٹری داخلہ کی زیرصدارت اجلاس ہوا تھا جس میں قانون نافذ کرنے والے اداروں کے نمائندے بھی شریک ہوئے تھے۔

ڈی آئی جی سی آئی اے نے آئی جی سندھ کی جگہ ان کی نمائندگی کی تھی، اجلاس میں یوریا کھاد، چینی اور آٹا اسمگلنگ کی روک تھام کے احکامات دیے گئے تھے۔

Comments

یہ بھی پڑھیں