The news is by your side.

Advertisement

کھاد پر دی گئی سبسڈی ختم، بوری مہنگی ہونے کا امکان

اسلام آباد: حکومت نے کھاد پر دی گئی سبسڈی ختم کردی، جس سے کھاد کی فی بوری قیمت میں 500 تا ایک ہزار روپے اضافہ ہونے کا امکان ہے۔

اے آر وائی نیوز کے سینئر صحافی اسد کھرل نے بتایاکہ وفاقی وزارت نیشنل فوڈ سیکیورٹی کی جانب سے 9 جنوری کو نوٹی فکیشن جاری کیا گیا ہے جس کے مطابق مالی سال 2016-17 کے لیے کسانوں کو یوریا اور ڈی اے پی اور دیگر کھاد میں دی گئی سبسڈی ختم کردی گئی ہے۔

سبسڈی کے اس خاتمے کے بعد ڈی اے پی اور یوریا کھاد کی فی بوری قیمت میں 500 تا 1000 ہزار روپے کا اضافہ ہوجائے گا۔

اسد کھرل نے کہا کہ بیج، ڈیزل اور بجلی پہلی ہی مہنگی ہے جس کی وجہ سے زمینداروں کی پیداواری لاگت پہلے ہی بہت زیادہ ہے اور ان کا برا حال ہے، اب کھاد مہنگی ہونے سے زمینداروں پر مزید بوجھ پڑے گا اور زمیں داروں کی مشکلات میں کمی آنے کے بجائے مزید اضافہ ہوگا۔

Print Friendly, PDF & Email

Comments

comments

یہ بھی پڑھیں