The news is by your side.

Advertisement

شوگر انکوائری اسکینڈل میں بڑی پیش رفت، شہباز شریف کی طلبی

لاہور: اپوزیشن لیڈر قومی اسمبلی کی مشکلات کم نہ ہوسکی، ایف آئی اے نے شہباز شریف کو شوگر انکوائری اسکینڈل میں طلب کرلیا ہے۔

ذرائع کے مطابق شوگرانکوائری اسکینڈل میں ایف آئی اے نے قومی اسمبلی کے اپوزیشن لیڈر شہباز شریف کو بائیس جون کو طلب کیا ہے اور ان کی طلبی کا نوٹس بھی جاری کردیا ہے۔

ذرائع کا کہنا ہے کہ ایف آئی اے لاہور آفس نے طلبی کا سمن جاری کیا، سمن میں کہا گیا ہے کہ اگر شہباز شریف ایف آئی اے آفس میں پیش نہ ہوئےتو ان کے خلاف قانونی کارروائی کی جاسکتی ہے، نوٹس کی تعمیل نہ کرنےپر انہیں گرفتار بھی کیاجاسکتا ہے۔ذرائع کا کہنا ہے کہ شہباز شریف کو چار سوالات کے جوابات ساتھ لانے کی ہدایت کی گئی ہے اس کے ساتھ ساتھ تمام دستاویزات ساتھ لانے کا کہا گیا ہے۔

واضح رہے کہ ایف آئی اے لاہور نے گزشتہ نومبر میں شوگر اسکینڈل میں جہانگیر ترین، ان کے بیٹے علی ترین، مسلم لیگ (ن) کے صدر شہباز شریف، ان کے بیٹے حمزہ اور سلیمان شہباز اور دیگر کے خلاف منی لانڈرنگ، فراڈ اور دیگر الزامات کے تحت مقدمات درج کیے تھے۔

Comments

یہ بھی پڑھیں