فیصل آباد: انسانی اسمگلنگ کے خلاف ایف آئی اے کی کارروائی، 19 افراد گرفتار
The news is by your side.

Advertisement

فیصل آباد: انسانی اسمگلنگ کے خلاف ایف آئی اے کی کارروائی، 19 افراد گرفتار

فیصل آباد: پنجاب میں ایف آئی اے نے انسانی اسمگلنگ کے خلاف اہم کارروائی کرتے ہوئے 19 افراد کو گرفتار کرلیا۔

تفصیلات کے مطابق فیصل آباد کے علاقے میانوالی میں ایف آئی اے نے انسانی اسمگلنگ کے خلاف کارروائی کی، اس دوران غیر قانونی طور پر ترکی اور یونان جانے کی کوشش پر 19 افراد گرفتار کرلیا۔

ایف آئی اے کا کہنا ہے کہ گرفتار افراد کو بس میں کوئٹہ لے جاکر ایرانی بارڈر عبور کرایا جانا تھا، تاہم اس سے قبل ہی اہم کارروائی میں گرفتاریاں عمل میں آئیں، اور منصوبہ ناکام بنادیا گیا۔

ایف آئی اے کے مطابق گرفتار افراد گجرات اور منڈی بہاؤالدین کے رہائشی ہیں۔

کوئٹہ: ایف آئی اے کی انسانی اسمگلرز کے خلاف کارروائی، 19 افراد گرفتار

اس سے قبل رواں سال 18 ستمبر کو کوئٹہ میں ایف آئی اے نے انسانی اسمگلرز کے خلاف اہم کارروائی کی تھی، جس کے باعث غیر قانونی طور پر یورپ جانے والے 19 افراد کو گرفتار کیا گیا تھا۔

خیال رہے کہ مئی 2016 میں لاہور میں پولیس نے انسانی اسگلنگ کرنے والے گروہ کے سرغنہ مجاہد حسین اور اس کے ساتھی محمد امین کو گرفتار کیا تھا۔

خیال رہے کہ ملزمان گزشتہ کئی سالوں سے انسانی اسمگلنگ کا کاروبار کر رہے تھے، دونوں ملزمان ایف آئی اے کو مطلوب تھے ملزمان کے قبضہ سے ملکی وغیر ملکی پاسپورٹس دولاکھ سے ذائد نقدی ویزا کارڈز اور شناختی کارڈز برآمد ہوئے تھے۔

Comments

comments

یہ بھی پڑھیں