کراچی : اسٹاک ایکسچیج کے معروف بروکریج ہاؤس پر ایف آئی اے کے چھا پے اورافسران کی گرفتاری پراسٹاک ایکسچینج کے بروکرز نے شدید احتجاج کیا جبکہ کے ایس ای ہنڈریڈانڈیکس میں ساڑھے چار سو سے زائد پوائنٹس کی کمی ہوئی۔
کراچی اسٹاک مارکیٹ کے بڑے اور معروف بروکریج ہاوس کے خلاف ایف آئی اے نے ایک ریسرچ رپورٹ کو بنیاد بناکر کارروائی کی اور اے کے ڈی سیکیورٹیز کے تین افسران کو حراست میں لے لیا۔
اے کے ڈی سیکیورٹیز کے سربراہ عقیل کریم ڈھیڈی نے الزام لگایا کہ یہ سازشیں وزیراعظم ہاؤس سے ہو رہی ہیں، اس کارروائی پر اسٹاک مارکیٹ بروکرز سراپا احتجاج بن گئے اور اسٹاک مارکیٹ کے سامنے احتجاجی مظاہرہ کیا۔
اسٹاک ایکسچینج کی معروف شخصیت عارف حبیب کا کہنا ہے کہ اس غیر منصفانہ اقدام کے با عث کراچی اسٹا ک ایکسچینج کے بروکرز نےاحتجاجا آج کام نہیں کیا۔
چیئرمین کے ایس ای منیر کمال نے وزیر خزانہ اور چیئرمین ایس ای سی پی سے بھی ملاقات کی، وفاقی حکومت نے اسٹاک بروکریج ہاؤس کا معاملہ حل کرنے کی یقین دہانی کرا دی ہے، کراچی اسٹاک ایکسچینج نے ایف آئی اے سندھ کو بھی خط لکھا دیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں