اراکین اسمبلی کو بےوقوف بنانے والا ملزم گرفتار
The news is by your side.

Advertisement

اراکین اسمبلی کو بےوقوف بنانے والا ملزم گرفتار

کراچی: سینیٹ کے چیئرمین ، اپوزیشن لیڈر اور دیگر اراکین اسمبلی کو بینک کی جعلی رسیدیں بھیجنے والا ملزم کو ایف آئی اے نے گرفتار کر لیا۔

تفصیلات کے مطابق قومی اسمبلی کے اسپیکر ایاز صادق اپوزیشن لیڈر خورشید شاہ اور ایوانِ بالا کے چیئرمین رضا ربانی کو بینک کی جعلی رسیدیں بھیجنے والا ملزم ایف آئی اے کے ہاتھوں گرفتار ہوگیا ہے۔

ایف آئی اے سے جاری اعلامیے میں کہا گیا ہے کہ ملزم کی شناخت عتیق الرحمان کے نام سے ہوئی جو نجی بینک کا ملازم ہے، ملزم نے مختلف پارلیمنٹیرینز کے نام سے جعلی رسیدیں بنا رکھی تھیں۔ ایف آئی اے کے اعلامیے میں مزید کہا گیا ہےکہ ملزم کو گرفتار کر کے تفتیش کا عمل جاری ہے اور اس دوران اہم انکشافات بھی متوقع ہے۔

پڑھیں: ’’ رضا ربانی اورایازصادق کو بھی بینک کی جعلی رسیدیں موصول ‘‘

خیال رہے گزشتہ دنوں قومی اسمبلی کے اپوزیشن لیڈر خورشید شاہ ، سینیٹر رضا ربانی کو جعلی رسیدیں موصول ہوئیں تاہم کچھ دیر بعد ہی خبر موصول ہوئی کہ اسپیکر ایاز صادق کے نام پر بھی جعلی رسیدیں بھیجی گئی ہیں۔

اراکین اسمبلی نے جعلی رسیدیں موصول ہونے کے بعد اسٹیٹ بینک کے سربراہ کو خط لکھ کر تمام تفصیلات سے آگاہ کیا اور انکوائری کا حکم دیتے ہوئے رپورٹ پیش کرنے کی ہدایت جاری کی۔ اسٹیٹ بینک کے سربراہ نے اراکین اسمبلی کو آگاہ کیا کہ بینک ٹرانزیکشن جعلی ہیں اور ملزم کی نشاندہی کرلی گئی ہے۔

Comments

comments

یہ بھی پڑھیں