اسلام آباد:ایف آئی اے نے انسانی ا سمگلنگ میں ملوث افغان گروپ پکڑ لیا۔

تفصیلات کے مطابق اسلام آباد میں ایف آئی اے نے کارروائی کرتے ہوئے انسانی اسمگلنگ میں ملوث افغان گروپ کو گرفتار کرلیا ہے۔

ایف آئی اے کا کہنا ہے کہ 5 رکنی افغان گروپ میں 3افراد کو گرفتار کرلیا گیا ہے ، گرفتار افراد میں اسد اللہ خان ، فیض اللہ اور عمر خان شامل ہیں، گروپ کا کارندہ علی استنبول اور حکیم کابل میں ہے۔

ایف آئی اے کے مطابق افغان گروپ نے رضوان نامی لڑکے کو ایران کے راستے ترکی اسمگل کیا، محمدرضوان کو ترکی لے جا کر اغوا کر لیا گیا اورتشدد کا نشانہ بنایا گیا تھا اور اس کے خاندان سے 20 ہزاریورو تاوان طلب کیا تھا۔

محمد رضوان کے والد نے ایف آئی اے اسلام آباد کے ڈائریکٹر کو اطلاع دی، جس کے بعد کارروائی عمل میں آئی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔