تازہ ترین

حسن نواز اور حسین نواز تین بڑے مقدمات میں بری

اسلام آباد : احتساب عدالت نے سابق وزیرِاعظم میاں...

سوشل میڈیا پر مذہبی و لسانی منافرت پھیلانے والے 462 اکاؤنٹس بند

اسلام آباد : سوشل میڈیا پر مذہبی اور لسانی...

قوم دہشتگردی کے خاتمے تک پاک فوج کے شانہ بشانہ کھڑی ہے، وزیراعظم

اسلام آباد: وزیراعظم شہباز شریف کا کہنا ہے کہ...

ایف آئی اے کی کارروائی، سابق سی ای او نیشنل انشورنس کمپنی گرفتار

کراچی: وفاقی تحقیقاتی ایجنسی (ایف آئی اے) نے کارروائی کرتے ہوئے سابق سی ای و نیشنل انشورنس کمپنی (این آئی سی ایل) کو گرفتار کرلیا۔

اے آر وائی نیوز کے مطابق ایف آئی اے حکام کا کہنا ہے کہ کیپٹن (ر) جمیل اختر کو ایف آئی اے کارپوریٹ کرائم سرکل نے گرفتار کیا، سابق سی ای او این آئی سی ایل کی نشاندہی پر دیگر تین ملزمان بھی گرفتار کیے گئے ہیں۔

حکام کا کہنا ہے کہ جمیل اختر 2015 سے 2016 کے دوران سی ای او تعینات تھے، دوران تعیناتی انہوں نے این آئی سی ایل میں غیرقانونی طور پر 9 افراد کو بھرتی کیا۔

ایف آئی اے حکام کے مطابق یہ 9 افراد این آئی سی ایل سے قبل بھی ان کے ساتھ کام کرتے رہے تھے، ان افراد کی بھرتیاں خلاف ضابطہ اور اقربا پروری کی بنیاد پر کی گئی تھیں۔

حکام کا کہنا ہے کہ سابق سی ای او کی نشاندہی پر غیرقانونی بھرتی کیے گئے تین افراد کو گرفتار کیا گیا ہے، ان غیرقانونی بھرتیوں سے قومی خزانے کو بھاری نقصان پہنچا۔

ایف آئی اے حکام کا کہنا ہے کہ دیگر 6 افراد کی گرفتاری کے لیے بھی چھاپے مارے جارہے ہیں۔

Comments

- Advertisement -