The news is by your side.

ایف آئی اے کو کسی غیر قانونی کام کیلئے استعمال نہیں کیا، چوہدری نثارعلی

اسلام آباد : وزیرداخلہ چوہدری نثارعلی نے کہا ہے کہ ایف آئی اے کو کسی ذاتی ،سیاسی یا غیر قانونی کام کے لئے کبھی استعمال نہیں کیا ۔

ایف آئی اے کوکسی بیرونی دباؤ یامداخلت کو خاطرمیں لانے کی بھی اجازت نہیں ہے، یہ بات انہوں نے سابق صدر آصف زرداری کی جانب سے نیب اور ایف آئی اے کے حوالے سے بیان پر اپنے رد عمل میں کہی.

چوہدری نثار علی کا کہنا تھا کہ ایف آئی اے سمیت تمام اداروں کوخوف خدا،انصاف اورقانون کی پاسداری کی تلقین کی ۔ ایف آئی اے سمیت تمام ادارے حکومت کے نہیں ریاست کے ملازم ہیں۔

زداری صاحب چاہیں توایف آئی اے کے معاملات پرعدالتی کمیشن بنانے کوتیارہیں۔ چوہدری نثار کا کہناتھا کہ ایف آئی اے کو مکمل طور پر ایک غیر سیاسی پیشہ ور قومی تحقیقاتی ادارہ بنانے کی کوشش کی ہے.

یہی وجہ ہے کہ گزشتہ دو سالوں میں قومی خزانے کو14.6 ارب روپے کا فائدہ پہنچایا ہے.

واضح رہے کہ وزیر اعظم کی جانب سے نیب کے حوالے سے بیان پر آصف علی زرداری نے کہا تھا کہ میا ں صاحب ایف آئی اے بھی نیب کی طرح ہی کارروائیا ں کر رہی ہے۔

Print Friendly, PDF & Email

Comments

comments

یہ بھی پڑھیں