The news is by your side.

Advertisement

ایف آئی اے نے انسانی اعضا کے اسمگلرز کے خلاف اختیارات مانگ لیے

کراچی:ڈائریکٹرجنرل ایف آئی اے نے انسانی اعضا کے اسمگلرز کے خلاف تحقیقات کے لئے وزارت داخلہ سے اختیارات مانگ لئے۔

ایف آئی اے کی جانب سے وزارت داخلہ کو لکھے گئے خط کی کاپی اے آروائی نیوز کو موصول ہوگئی ہے جس میں مطالبہ کیا گیا ہے کہ انسانی اعضا اور ٹشوز کی ٹرانسپلانٹیشن ایکٹ 2010 کو ایف آئی اے ایکٹ میں شامل کیا جائے۔

ایف آئی اے کی جانب سے لکھے گئے خط میں یہ بھی کہا گیا ہے کہ انسانی اعضا کی بیرون ملک اسمگلنگ سے متاثرہ پاکستانی ساکھ کی بحالی کے لئے اختیارات ضروری ہیں۔

ایف آئی اے نے وزارتِ داخلہ سے مطالبہ کیا ہے کہ اختیارات کی فراہمی پرمبنی ڈرافٹ نوٹیفکیشن کی مجاز اتھارٹی سے منظوری جلد حاصل کی جائے۔

ذرائع کا کہنا ہے کہ ڈی جی ایف آئی اےنے تحقیقات کے لئے اختیارات کا مطالبہ ڈائریکٹر ایف آئی اے پنجاب کی درخواست پر کیا۔

16472942_1212518238797146_3370187381085794678_n

Print Friendly, PDF & Email

Comments

comments

یہ بھی پڑھیں