The news is by your side.

Advertisement

ٹڈاپ کیس سے جڑے ملزمان کی مزید جائیدادیں سامنے آگئیں، کئی اہم سیاسی شخصیات زیرِتفتیش

کراچی : ٹڈاپ کیس سے جڑے ملزمان کی مزید جائیدادیں سامنے آگئیں جبکہ ایف آئی اے کو کیس میں منی لانڈرنگ کےشواہدبھی مل گئے ، کیس میں کئی اہم سیاسی شخصیات بھی زیرتفتیش ہیں۔

تفصیلات کے مطابق ٹڈاپ کیس میں اربوں روپے کی کریشن کے معاملے پر بڑی پیشرفت سامنے آئی ، ایف آئی اے ڈپٹی ڈائریکٹرعبدالرؤف نے کہا کہ کیس سے جڑے ملزمان کی مزید جائیدادیں سامنے آگئیں۔

ایف آئی اے کارپوریٹ کرائم سرکل نے ایک اور مقدمہ درج کر لیا ہے، مقدمہ سرکار کی مدعیت میں درج کیا گیا ، جس میں عبدالقادرعرف بھولا سمیت کئی افراد کو نامزد کیا گیا ہے۔

ڈپٹی ڈائریکٹرعبدالرؤف نے کہا ہے کہ کیس میں کئی اہم سیاسی شخصیات بھی زیرتفتیش ہیں، ڈپٹی ڈائریکٹرٹڈاپ سمیت مختلف کمپنیوں کے افراد کو نامزد کیا گیا ہے۔

ایف آئی اے کے مطابق ڈپٹی ڈائریکٹرٹڈاپ نےایکسپورٹس کی مدمیں کئی جعلی ای فارمزبنوائے جبکہ ظاہرکی گئی ایکسپورٹ کی مالیت35ارب روپے کے لگ بھگ ہے۔

ایف آئی اے کو کیس میں منی لانڈرنگ کےشواہدبھی مل گئے ہیں ،ڈپٹی ڈائریکٹرعبدالرؤف نے بتایا کہ رقم سےکراچی میں2ہزارگزکی زمین خریدی گئی جو قادر  کے نام پر تھی اور زمین منی لانڈرنگ سےحاصل ہونیوالی رقم سےخریدی گئی۔

Comments

یہ بھی پڑھیں