ملتان : ایف ائی اے امیگریشن نے برطانیہ سے آنے والے مسافر سے 6 ہزار 700 غیرملکی سمیں برآمد کرکے اسے گرفتار کرلیا۔
تفصیلات کے مطابق برطانیہ سے 6700 غیرملکی سمیں پاکستان اسمگل کرنےکی کوشش ناکام بنا دی گئی۔
ایف ائی اے امیگریشن نے ملتان ائیرپورٹ پر کارروائی کرتے ہوئے برطانیہ سے آنے والے مسافر کو گرفتار کرکے 6 ہزار 700 غیرملکی سمیں برآمد کرلیں۔
امیگریشن حکام نے بتایاکہ مسافر دوحہ سے پرواز کیوآر 618 سے ملتان پہنچا تھا، جب مسافر کو روکا گیا اور سامان کی تلاشی پر 6,700 غیر ملکی سمیں برآمد ہوئیں۔
حکام کا کہنا ہے کہ نوجوان پنجاب کے شہر بورے والا کا رہائشی ہے، جو اسٹڈی ویزے پر برطانیہ گیا تھا۔
ایف آئی اے نے کہا مسافر برآمد شدہ سموں کے ساتھ ملتان میں اپنے سائبر کرائم یونٹ کےحوالے کردیا گیا ہے اور ملزم کے خلاف پیکا 2016 کے تحت کارروائی شروع کردی ہے۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں