The news is by your side.

Advertisement

210 تولے سونا دبئی اسمگل کرنے کی کوشش ناکام

فیصل آباد: فیصل آباد ائیرپورٹ سے 210تولے سونا دبئی اسمگل کرنے کی کوشش ناکام بنادی گئی اور مسافر کو گرفتار کرلیا گیا۔

تفصیلات کے مطابق بیرون ملک سونا اسمگلنگ کی کوششیں ناکام بنادی گئی ، فیصل آباد ائیرپورٹ ایف آئی اے نے کارروائی کرتے ہوئے دبئی جانے والے مسافر کو گرفتار کرکے 210تولے سونا برآمد کرلیا۔

ذرائع کا کہنا ہے کہ برآمد سونے کی مالیت 2کروڑ 80لاکھ روپے بتائی جارہی ہے جبکہ فیصل آباد ائیرپورٹ کینٹین کے ملازم سمیت مزید 2 افراد کو گرفتار کرلیا۔

یاد رہے رواں سال جنوری میں اے ایس ایف کے عملے نے باچا خان ایئرپورٹ پر کروڑوں روپے مالیت کا سونا اسمگل کرنے کی کوشش ناکام بنائی تھی دو افغان شہریوں کو گرفتار کرلیا تھا۔

ترجمان اے ایس ایف نے بتایا تھا کہ افغان نیشنل مسافر مسمات سہیلہ الکوزے اور مسافر حواد خالدی سونا دو بیگوں میں لے جا رہے تھے تاہم اے ایس ایف کے عملے نے سامان کو مشکوک قرار دیتے ہوئے تلاشی کے دوران مذکورہ سونا برآمد کیا۔.

ترجمان کا کہنا تھا کہ سونے کی مالیت لگ بھگ 10کروڑ76لاکھ پاکستانی روپےبنتی ہے

Comments

یہ بھی پڑھیں