لاہور: اپوزیشن لیڈر شہباز ، حمزہ اور جہانگیرترین کے کیسز کی تحقیقات کرنے والے ایف آئی اے افسر چھٹی پر چلے گئے ، ڈاکٹر رضوان کی چھٹی کا11 اپریل سے آغاز ہو گا۔
تفصیلات کے مطابق اہم کیسوں کی تحقیقات کرنے والے ایف آئی اے کے افسر ڈاکٹر رضوان چھٹی پر چلے گئے ، ڈاکٹر رضوان شہبازشریف، حمزہ شہباز، جہانگیرترین سمیت اہم کیسز کی تحقیقات کر رہے تھے۔
ڈائریکٹر ایف آئی اے پنجاب زون ون ڈاکٹر رضوان نے عہدہ چھوڑ کر چھٹی لے لی ، ڈاکٹر رضوان کی جگہ ڈپٹی ڈائریکٹر نازیہ امبرین کوڈائریکٹر کاچارج دے دیا گیا ہے۔
ایف آئی اے ہیڈ کوارٹر اسلام آباد نے نوٹیفکیشن جاری کر دیا ، جس کے مطابق ڈاکٹر رضوان کی چھٹی کا11اپریل سے آغاز ہو گا۔
یاد رہے رواں سال فروری میں شوگراسکینڈل سے متعلق تحقیقات کرنے والے وفاقی تحقیقاتی ادارے (ایف آئی اے) کے اہم افسران کا تبادلہ کردیا گیا تھا۔
وفاقی تحقیقاتی ادارے (ایف آئی اے) کے اہم افسران کے تبادلوں پر چند وفاقی وزرا نے تشویش کا اظہار کیا جبکہ یہ انکشاف بھی ہوا تھا کہ ڈائریکٹر ایف آئی اے ڈاکٹر رضوان کو بھی ان تبادلوں کاعلم نہیں تھا جب کہ افسران کے تبادلوں سےڈائریکٹرایف ائی اے لاہورکو لاعلم رکھا گیا۔
