The news is by your side.

Advertisement

خواتین مسافر پر تشدد کرنے والی ایف آئی اے اہلکار نوکری سے برطرف

اسلام آباد: بینظیر انٹرنیشنل ائیر پورٹ پر 2 مسافر خواتین کو تشدد کا نشانہ بنانے والے ایف آئی اے کی خاتون اہلکار کو نوکری سے برطرف کردیا گیا۔

تفصیلات کے مطابق بینظیر بھٹو انٹرنیشنل ائیرپورٹ پر 2 مسافر خواتین پر ایف آئی اے خاتون اہلکار کی جانب سے تشدد کے معاملے پر کارروائی مکمل کرلی گئی۔

ایف آئی اے ذرائع کے مطابق ایف آئی اے کی خاتون اہلکار غزالہ کو نوکری سےنکال دیا گیا۔

معاملے میں ملوث انسپکٹر ندیم کا کیس ہیڈ کوارٹرز بھجوا دیا گیا۔

مزید پڑھیں: ایئرپورٹ پر مسافر خواتین پر تشدد کی ایک اور ویڈیو سامنے

ائیر پورٹ پر مسافر خواتین پر ایف آئی اے خاتون اہلکار کے تشدد کی ویڈیو منظرعام پر آنے کے بعد چیف جسٹس سپریم کورٹ ثاقب نثار نے بھی نوٹس لیا تھا۔

چیف جسٹس نے سیکریٹری داخلہ و سیکریٹری ایوی ایشن سے 3 دن کے اندر واقعے کی رپورٹ طلب کی تھی۔

یاد رہے کہ چند روز قبل منظر عام پر آنے والی فوٹیج میں دیکھا جا سکتا ہے کہ ایف آئی اے کی خاتون اہلکار مسافر خواتین کو بے دردی سے بالوں سے جکڑ کر تھپڑ مار رہی ہے۔

واقعے کے بعد دونوں فریقین نے ایک دوسرے کے خلاف مقدمہ درج کروا دیا تھا۔

Print Friendly, PDF & Email

Comments

comments

یہ بھی پڑھیں