site
stats
پاکستان

فوج کےخلاف سوشل میڈیا پر مہم ، پی ٹی آئی سوشل میڈیا ونگ کے رکن سالار خان پوچھ گچھ کیلئے طلب

کوئٹہ : سوشل میڈیا پر فوج کے خلاف مہم چلانے کے الزام پاکستان تحریک انصاف کے سوشل میڈیا ونگ کے رکن سالار خان کو پوچھ گچھ کے لیے طلب کرلیا جبکہ ملک کے مختلف علاقوں سے متعدد افراد کو حراست میں لے لیا گیا ہے۔

تفصیلات کے مطابق فوج کے خلاف سوشل میڈیا پر مہم چلانے والوں کی پکڑ دھکڑ جاری ہے، ایف آئی اے نے کوئٹہ میں پاکستان تحریک انصاف کے سوشل میڈیا ونگ کے رکن سالار خان کو پوچھ گچھ کے لیے طلب کیا اور انھیں ہدایت کی کہ لیپ ٹاپ اور فون لے کر ایف آئی اے کے دفتر میں پیش ہوں۔

کارکنوں کی طلبی ہوئی تو شاہ محمود قریشی بھی ایف آئی اے ہیڈ کوارٹر پہنچ گئے، انہوں نے کہا یہ بچے کسی ایف آئی آر میں نامزد نہیں، ایف آئی اے سے گزارش ہے جو معلومات لینی ہیں لیں اور انہیں فارغ کریں ۔

انہوں نے کہا کہ ایف آئی اے کارروائی ضرور کرے، اگر کارکن بے قصور ہیں تو چهوڑا جائے، ایف آئی اے ذمہ داری کا مظاہرہ کرے ۔

شاہ محمود قریشی کا کہنا تھا کہ سائبرکرائم کا غلط استعمال نہ کریں۔

دوسری جانب سماجی رابطے کی وہب سائٹ ٹوئٹر پر پی ٹی آئی کے سربراہ عمران خان نے بھی ایف آئی اے پر سخت برہمی کا اظہار کرتے ہوئے کہا کہ کارکنوں کوگرفتارکیاگیا توسڑکوں پر نکل آئیں گے۔


مزید پڑھیں : پاک فوج کے خلاف مہم، ن لیگ میڈیا سیل کا رکن گرفتار


یاد رہے گذشتہ روز پاک فوج کے خلاف مہم چلانے کے الزام میں ن لیگ میڈیا سیل سے تعلق رکھنے والے ڈاکٹر فیصل رانجھا کو لاہور سے گرفتار کیا گیا تھا۔

ایف آئی اے نے اس ضمن میں تقریباً 33 افراد کی نام شارٹ لسٹ کیا ہے، جس میں متعدد افراد کا تعلق مختلف سیاسی جماعتوں سے ہے جب کہ کچھ کا تعلق آسٹریلیا سے ہے۔

واضح رہے کہ وزیرداخلہ چوہدری نثار کی جانب سے ایف آئی اے کو ہدایات جاری کی گئیں تھی کہ سوشل میڈیا پر فوج کو تنقید اور تذلیل کا نشانہ بنانے والے اکاؤنٹ کے خلاف سخت سے سخت کارروائی کی جائے اور اس حوالے سے سائبر کرائم ونگ کو متحرک کیا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top