کراچی: ایف آئی اے سائبرکرائم نے خواتین کو ہراساں کرنے والے ملزم ٹائیگرمیمن کو گرفتار کرلیا ہے۔
ترجمان ایف آئی اے کے مطابق ملزم فرقان اسلم عرف ٹائیگر میمن سماجی ویب سائٹ فیس بک پر لڑکیوں کو قتل کی دھمکیاں دیتا تھا، ایف آئی اے نے کراچی کے علاقے جوڑیا بازار سے ملزم کو حراست میں لیا۔
ملزم جعلی فیس بک اکاﺅنٹ کے ذریعے قتل کی دھمکیاں دینے اور خاتون کو غیر اخلاقی تصاویر اور پیغامات بھیجنے میں ملوث ہے۔
ایف آئی اے حکام کا کہنا ہے کہ گرفتار فرقان اسلم عرف ٹائیگر میمن کےخلاف مقدمہ درج کر کے تفتیش کا آغاز کردیا گیا ہے۔
