فیصل آباد: زیادتی کے بعد قتل کی جانے والے سات سالہ معصوم بچی فضا کا قاتل عبدالرزاق لاہور ایئرپورٹ سے گرفتار کر لیا گیا.
تفصیلات کے مطابق ایف آئی اے ذرایع نے معصوم فضا کے قاتل کی گرفتاری کی تصدیق کی ہے. ایف آئی اے ذرایع کے مطابق ملزم عبدالرزاق بچی کا قریبی رشتے دار ہے.
سیکیورٹی ذرایع کے مطابق ملزم عبدالرزاق جدہ فرارہونے والا تھا، ملزم کو اس کی تصویرکی مدد سے گرفتارکیا گیا.
تفصیلات کے مطابق مقتولہ فضا نور والدین کی اکلوتی اولاد تھی، بچی کے والد روزگار کے سلسلہ میں کویت میں مقیم ہیں۔
گذشتہ روز سمن آباد کے علاقہ مطفر کالونی میں دو موٹر سائیکل سواروں نے سات سالہ بچی کو دکان جاتے ہوئے اغوا کیا تھا، گھر والوں کے تلاش کرنے پر رات گئے فضا کی لاش رضا آباد کے علاقے سے ملی۔
پولیس نے بچی کی لاش کو پوسٹ مارٹم کے لئے الائیڈ اسپتال منتقل کر دیا اور اور موٹر سائیکل سواروں کی تلاش شروع کر دی تھی.
بچی کی جسم پر تشدد کے نشانات تھے، پولیس نے ملزمان کی گرفتاری کے لئے دو ٹیمیں تشکیل دے دی تھیں۔
اب ایف آئی آے ذرایع نے لاہور ایئرپورٹ سے بچی کے قاتل کی گرفتاری کا دعویٰ کیا گیا ہے.
فیصل آباد میں 7 سالہ بچی مبینہ زیادتی کے بعد قتل
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں