The news is by your side.

Advertisement

ایف آئی اے نے شاہدخاقان عباسی کے بیٹے کو دبئی جانے سے روک دیا

اسلام آباد: ایف آئی اے نے سابق وزیراعظم شاہدخاقان عباسی کے بیٹے کو دبئی جانے سے روک دیا ، عبداللہ خاقان کا نام نیب کی اسٹاپ لسٹ میں تھا۔

تفصیلات کے مطابق سابق وزیر اعظم شاہد خاقان عباسی کے بیٹے کو اسلام آباد ایئرپورٹ سے دبئی جاتے ہوئے روک دیا گیا، عبداللہ خاقان عباسی کو ایف آئی اے امیگریشن نے آف لوڈ کیا، وہ پرواز ای کے 613 سے دبئی جارہے تھے۔

دوران امیگریشن سابق وزیر اعظم کے بیٹے کا نام اسٹاپ لسٹ میں پایا گیا، عبداللہ خاقان عباسی کا نام نیب کی اسٹاپ لسٹ ہونے کہ وجہ سے انہیں آف لوڈ کیا گیا۔

یاد رہے قومی احتساب بیورو ( نیب) نے ایل این جی کیس میں سابق وزیراعظم شاہدخاقان عباسی کیخلاف ضمنی ریفرنس میں کہا تھا کہ شاہد خاقان عباسی کے اکاﺅنٹ میں 560 ملین کی ٹرانزیکشن غیرقانونی ہیں، شاہد خاقان نے 560ملین کی رقم واپس اپنے بیٹے کےاکاؤنٹ میں منتقل کی، عبداللہ خاقان 2013سے 2019کے درمیان حاصل رقوم پر وضاحت نہ دے سکے۔

ضمنی ریفرنس میں کہا تھا کہ غیر قانونی معاہدوں سے 21ارب کا نقصان ہو چکاہے ، من پسند کمپنیوں کوغیر قانونی ٹھیکوں سے 14ارب کافائدہ پہنچایا گیا، 4سال تک دوسرا ٹرمینل فعال نہ بنایا ،ساڑھے 7ارب کا نقصان ہوا، معاہدے سےآئندہ 10سال قومی خزانے کومزید 47ارب کا نقصان پہنچے گا۔

بعد ازاں دائرضمنی ریفرنس میں نئےانکشافات سامنے آئے تھے ، ریفرنس میں بتایا گیا تھا کہ شاہدخاقان یواےای میں قائم ٹرینٹی کمپنی سے پیسےوصول کرتے رہے، کمپنی بھارت میں قائم سدھارت پرائیویٹ لمیٹڈ کےساتھ کام کرتی ہے۔

Comments

یہ بھی پڑھیں