The news is by your side.

Advertisement

ایف آئی اے نے جہانگیرخان ترین اور علی خان ترین کو طلب کر لیا

لاہور: ایف آئی اے نے تحریک انصاف کے رہنما جہانگیر ترین اور ان کے بیٹے علی ترین کو طلب کر لیا ہے

تفصیلات کے مطابق منی لانڈرنگ اور شوگر اسکینڈل کی تحقیقات میں پیش رفت ہوئی ہے، ایف آئی نے جہانگیر ترین اور ان کے بیٹے علی ترین کو طلب کر لیا ہے۔

علی خان ترین کو 18ستمبر کو ایف آئی اے لاہور آفس میں طلب کیا گیا۔جہانگیرخان ترین کو 19ستمبر کو ایف آئی اے دفتر میں طلب کیا گیا ہے۔دونوں سے مشترکہ تحقیقاتی ٹیم منی لانڈرنگ،شوگر ملز فراڈ سے متعلق تحقیقات کرے گی۔

یاد رہے کہ رواں سال کے آغاز میں پیدا ہونے والے چینی بحران پر ایف آئی اے کی تحقیقاتی رپورٹ میں انکشاف کیا گیا تھا کہ ملک میں چینی بحران کا سب سے زیادہ فائدہ تحریک انصاف کے رہنما جہانگیر ترین، وفاقی وزیر خسرو بختیار کے بھائی اور مونس الہیٰ کو ہوا تھا۔

چینی بحران رپورٹ سامنے آنے کے بعد جہانگیر ترین نے اپنے اوپر لگے الزامات کو مسترد کر دیا تھا اور وفاقی وزیر خسرو بختیار کی وزارت بھی تبدیل کر دی گئی تھی۔

Comments

یہ بھی پڑھیں