تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

شوگر سٹہ بازوں کے گرد گھیرا مزید تنگ، طلبی کے نوٹس جاری

لاہور: ایف آئی اے نے چالیس شوگر سٹہ بازوں کو طلبی کے نوٹسز جاری کرتے ہوئے انہیں مکمل دستاویزات کے ساتھ پیش ہونے کا حکم دیا ہے۔

ایف آئی اے ذرائع کے مطابق چینی کی ذخیرہ اندوزی میں ملوث بڑی مچھلیاں ایف آئی اے کے ریڈار پر آنے لگی ہیں، ایف آئی اے نے مکمل چھان بین کے بعد شریف ، شمیم، کنجوانی گروپ کے اسلم بھلّی کو 30 مارچ کو مکمل دستاویزات کے ساتھ طلب کرلیا ہے اسی طرح جے ڈی ڈبلیو کے ملک عباد کو بھی تیس مارچ کا بلاوا بھیج دیا ہے۔

ذرائع ایف آئی اے کے مطابق جےڈی ڈبلیو کے ملک ماجد کو اکتیس مارچ کو طلب کیا ہے اسی روز مستنصر گوگی ، رمضان و العربیہ شوگر گروپ کو بلاوے کا نوٹس جاری کیا ہے، شیخ عامر ،چوہدری شوگر گروپ کو یکم اپریل کو طلب کیا گیا ہے جبکہ آر وائی کے شوگر گروپ کے اسد بھایا کو بھی دو اپریل کو ایف آئی اے لاہور میں طلب کرلیا گیا ہے۔

ذرائع کے مطابق شوگر سٹہ مافیا ارکان کو تیس مارچ کیلئے ایف آئی اے لاہور آفس میں طلبی کے نوٹس بھی جاری کئے گئے ہیں اس کے علاوہ ایف آئی اے نے ایف بی آر، بینکس،منی چینجرز سے بھی ریکارڈ طلب کیا ہے۔

ذرائع کا کہنا ہے کہ شوگر سٹہ بازوں کو تمام ذاتی و کاروباری بینک اکاؤنٹس کی فہرست ساتھ لانے کا حکم دیا گیا ہے اس کے علاوہ تمام بے نامی اکاؤنٹس کی فہرست بھی ساتھ لانے کی ہدایت کی گئیں ہیں۔

ایف آئی اے نے واضح کیا کہ ایف بی آر، ایمنیسٹی میں ظاہر فیملی، بےنامی اثاثہ جات کی تفصیلات کے ساتھ ساتھ شوگر سٹّہ بازوں کو ایک سال میں اندرون ،بیرون ملک کی ٹی ٹیز کی فہرست لانے کا حکم دیا گیا ہے طلبی نوٹس پر انہیں متنبہ کیا گیا ہے کہ عدم حاضری ،عدم تعاون کی صورت میں گرفتاری کا سامنا کرنا پڑے گا۔

سندھ کی شوگرمافیا کےخلاف کارروائیاں

اس سے قبل ایف آئی اے سندھ کمرشل بینکنگ سرکل نے شوگر مافیا کےخلاف کارروائیاں کرتے ہوئے مزید چار افراد کو حراست میں لیا تھا، جس کے بعد گرفتار ملزمان کی تعداد سات ہوگئی۔

ایف آئی اے کے مطابق گرفتار ملزمان شوگر بروکر ہیں، ملزمان ملز مالکان کیساتھ ملکر چینی کے مصنوعی بحران میں ملوث ہیں، گرفتار ملزمان کیخلاف اینٹی منی لانڈرنگ ایکٹ اور دیگر دفعات کےتحت مقدمات درج کرلئے گئے ہیں۔

ایف آئی اے ذرائع کے مطابق گرفتار ملزمان کے بینک اکاؤنٹس منجمد اور دیگر دستاویزات ضبط کرلی گئیں ہیں، مقامی عدالتوں سے ملزمان کا ریمانڈحاصل کرلیا گیا ہے، ملزمان سے مزید تفتیش جاری ہے۔

شوگر ٹریڈ ایکسچینج‘‘واٹس ایپ گروپ تک ایف آئی اے کی رسائی

دوسری جانب ایف آئی اے نے شوگرسٹہ مافیا کے خلاف کئی اہم ثبوت حاصل کرلئے ہیں، ایف آئی اے نے’’شوگر ٹریڈ ایکسچینج‘‘واٹس ایپ گروپ تک رسائی حاصل کرتے ہوئے اہم شواہد حاصل کئے۔

ایف آئی اے حکام کا کہنا ہے کہ شوگر مافیا واٹس ایپ گروپ میں چینی کی قیمت کا تعین کرتا تھا، گروپ کے ایک رکن نے لکھا کہ چینی اب 10 ہزار جبکہ دوسرے نے لکھا "منڈ کے رکھو”، اسی طرح شوگرسٹہ مافیا گروپ کے ایک اور رکن جس کا تعلق تھرپارکر سے ہے اس نے لکھا کہ نو ہزار ایک سو پچاس۔

Comments

- Advertisement -