The news is by your side.

Advertisement

ایف آئی اے نے راولپنڈی سے منی لانڈرنگ کرنے والے گروہ کا سراغ لگالیا

اسلام آباد : ایف آئی اے نے راولپنڈی سے منی لانڈرنگ کرنے والے گروہ کا سراغ لگالیا اور رقم منتقلی کی 20 بینک ٹرانزکشنز کا ریکارڈ بھی حاصل کرلیا ہے۔

تفصیلات کے مطابق ایف آئی اے کا کالا دھن سفید کرنے اور بیرون ملک منی لانڈرنگ کیخلاف کریک ڈاؤن جاری ہے۔

وفاقی تحقیقاتی ادارے نے ایف اے ٹی ایف کی شرائط پر منی لانڈرنگ کیخلاف کارروائیاں تیز کر دیں، کارروائیوں میں کارپوریٹ کرائم سرکل اسلام آباد نے راولپنڈی سے منی لانڈرنگ کرنے والے گروہ کا سراغ لگا لیا۔

ایف آئی اے کا کہنا تھا کہ منی لانڈرنگ میں ملوث ملزم محمد علی ہاشمی کیخلاف بیس ٹرانزیکشن کی انکوائری بھی مکمل کرلی ہے اور رقم منتقلی کی بیس بینک ٹرانزکشنزکا ریکارڈ بھی حاصل کرلیا۔

حکام کا کہنا ہے کہ ملزم نے کالا دھن سفید کرنے کے لیے منی لانڈرنگ کی، ملزم کے خلاف انکوائری کی تفتیش میں شواہد سامنے آنے پر مقدمہ درج کیا گیا۔

ایف آئی کے مطابق ملزم نے راولپنڈی پر واقع غیر ملکی بینک برانچ سے رقوم 2013میں بیرون ملک بجھوائیں، ملزم نے غیر قانونی طور پر کمائی رقم سے کتنے اثاثے بنائے، اس حوالے سے تفتیش شروع کر دی گئی ہے۔

Comments

یہ بھی پڑھیں