The news is by your side.

Advertisement

کراچی ایکسپو سینٹر میں 1200بستروں کے فیلڈ آئسولیشن سینٹرکاافتتاح

کراچی : ایکسپو سینٹر میں 1200بستروں کے فیلڈ آئسولیشن سینٹر کا افتتاح کردیا گیا ، گورنر سندھ کا کہنا ہے کہ آئسولیشن سینٹر میں کورونا وائرس کے تصدیق شدہ مریضوں کو رکھا جائے گا۔

تفصیلات کے مطابق کراچی ایکسپو سینٹر کورونا کے مریضوں کیلئے 1200بستروں کے فیلڈ آئسولیشن سینٹر کا افتتاح کردیا، اس موقع پر گورنرسندھ عمران اسماعیل ، کور کمانڈر کراچی اور وزیر صحت سندھ بھی موجود تھی۔

فیلڈآئسو لیشن سینٹرکیلئےگورنرسندھ نے سہولتوں کیلئےاہم کردار ادا کیا، گورنرسندھ نے سہولتوں ،انتظامات،ضروری دواؤں، آلات کی دستیابی کوسراہا۔

گورنرسندھ عمران اسماعیل نے کہا کہ ایکسپو فیلڈ آئسولیشن سینٹرمیں تصدیق شدہ مریضوں کورکھاجائےگا، سینٹرکی تعمیرمیں پاک آرمی نےحکومت کےشانہ بشانہ کام کیا،گورنرسندھ

عمران اسماعیل کا کہنا تھا کہ ہزاروں رضاکار اپنی خدمات کےلئے اندراج کراچکے ہیں، آئسولیشن سینٹر میں بہترین طبی حفاظتی اقدامات کو یقینی بنایا گیاہے، والنٹیئرزسےاس سینٹرکےباقاعدہ افتتاح کامقصد خدمات کااعتراف ہے۔

ان کا کہنا تھا کہ طبی عملہ،والنٹیئرزہر اول دستےکا کردار ادا کررہے ہیں، پاک فوج کا جذبہ قابل ستائش ہے، کورونا وائرس کے مکمل خاتمے تک فیلڈ آئسو لیشن سینٹرجاری رہےگا۔

گورنرسندھ نے کہا کہ سینٹر کو طویل عرصے تک فعال رکھنے کیلئے مخیر حضرات کوآگے آنا ہوگا، یہ سینٹر WHO کے تجویز کردہ حفاظتی اصولوں کےمطابق تیار کیا گیا ہے۔

عمران اسماعیل کا مزید کہنا تھا کہ مریضوں کے لئے ویڈیو کالنگ کی سہولت کا انتظام بھی کیا گیا ہے جبکہ ڈاکٹرز اور مریضوں کے لیے علیحدہ علیحدہ داخلے کی سہولت ہے۔

Comments

یہ بھی پڑھیں