The news is by your side.

Advertisement

فیلڈنگ کوچ نے پاکستانی ٹیم کو خیر باد کہہ دیا

لاہور: قومی کرکٹ ٹیم کے فیلڈنگ کوچ اسٹیورکسن نے  اپنی ذمہ داریوں سے سبکدوش ہونے کا اعلان کرتے ہوئے پی سی بی سے معذرت کرلی۔

تفصیلات کے مطابق قومی کرکٹ ٹیم کے فیلڈنگ کوچ اسٹیورکسن جون نے اپنی نجی اور خاندانی مصروفیات کے باعث پی سی بی کے ساتھ ہونے والے معاہدے میں توسیع سے معذرت کرلی۔

دورہ آئر لینڈ اور انگلینڈ سے قبل فیلڈنگ کوچ نے چیئرمین پی سی بی اور کرکٹ بورڈ کے اعلیٰ حکام کو اعتماد میں لینے کی کوشش کی تھی کہ اب وہ مزید اپنے امور سرانجام نہیں دے سکیں گے۔

اسٹیورکسن پی سی بی پر واضح کرچکے ہیں کہ سرفراز الیون کے حالیہ دوروں کے بعد وہ ٹیم کا مزید حصہ نہیں رہیں گے لہذا جلد از جلد فیلڈنگ کے لیے نیا کوچ تلاش کرلیا جائے۔

واضح رہے کہ اسٹیورکسن 2016 سے پاکستانی کرکٹ ٹیم کے فیلڈنگ کوچ کی حیثیت سے خدمات انجام دے رہے ہیں اور اُن کا معاہدہ جون  2018 میں ختم ہونے جارہا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں