پیرس: موسمیاتی تبدیلیوں کے باعث فرانس کے جنگلات میں لگنے والی آگ نے خوفناک صورت حال اختیار کرلی ہے۔
غیر ملکی میڈیا رپورٹ کے مطابق براعظم آسٹریلیا میں ان دنوں موسمیاتی تبدیلیوں کے باعث سخت گرمی پڑ رہی ہے، شدید ترین گرم موسم کے باعث آسٹریلیا کے جنگلات میں آتشزدگی کے واقعات تیزی سے رپورٹ ہورہے ہیں۔
میڈیا رپورٹ کے مطابق ان دنوں جنوب مغربی فرانس کے جنگلات میں آگ لگی ہوئی ہے، جس نے اب تک تقریباً سات ہزار چار سو ہیکٹر اراضی پر موجود جنگلات کو بھسم کردیا ہے۔
یہ بھی پڑھیں: یو اے ای میں شدید گرمی کی لہر
خوفناک آتشزدگی کے باعث بڑے پیمانے پر نقل مکانی بھی شروع ہوگئی ہے ایک محتاط اندازے کے مطابق اب تک متاثرہ علاقے سے دس ہزار افراد نقل مکانی پر مجبور ہوگئے ہیں۔
واضح رہے کہ جہاں آگ لگی وہ جنوب مغربی فرانس کا علاقہ دریائے گارون ہے، یہ شہر گوتھک کیتھیڈرل سینٹ آندرے کے لیے جانا جاتا ہے۔اس شہر کی خاص بات یہ ہے کہ یہاں اٹھارویں اور انیسویں صدی کی حویلی اور آرٹ میوزیم جیسے میوزی ڈیس بیوکس، آرٹس ڈی بورڈوموجود ہیں۔
فائر فائٹر کے مطابق آگ زبردست اور خوفناک ہے، جنگلات کی اس شدید آگ کو بجھانے کے لئے فائر فائٹرز کئی مقامات پر طیارے کے مدد پانی پھینک رہے ہیں۔
فائر فائٹرز نے خدشہ ظاہر کیا ہے کہ بڑے پیمانے پر لگی یہ آگ کسی بھی وقت سمت تبدیل کرسکتی ہے۔