The news is by your side.

Advertisement

فیفا ورلڈ کپ : ڈنمارک نے آئرلینڈ کوہرا کرٹورنامنٹ سے باہرکردیا

 

ماسکو : ڈنمارک نے آئرلینڈ کو پانچ کے مقابلے ایک گول سے شکست دے کر فیفا ورلڈ کپ فٹ بال ٹورنامنٹ دوہزاراٹھارہ سے باہر کردیا، ڈنمارک کے اسڑائیکر اریکسن نے ہیٹ ٹرک اسکور کی۔

تفصیلات کے مطابق فیفا ورلڈ کپ فٹ بال ٹورنامنٹ کوالیفائنگ راؤنڈز میں سنسنی خیز مقابلوں کا سلسلہ جاری ہے، گزشتہ روز چار مرتبہ کی عالمی چیمپئین اٹلی کی ٹیم سوئیڈن سے میچ برابر کھیلنے کے سبب ورلڈ کپ سے باہر ہوگئی تھی۔

آج ائرلینڈ کی ٹیم ڈنمارک کے ہاتھوں عبرتناک شکست کے بعد ورلڈ کپ دوہزار اٹھارہ میں جگہ نہ بناسکی، آئرلینڈ کی ٹیم نے کھیل کا آغاز تو جارحانہ کیا اور چھٹے ہی منٹ پر گول داغ کر برتری حاصل کرلی لیکن چند ہی لمحات بعد کھیل کا نقشہ ہی بدل گیا۔

ڈنمارک نے یکے بعد دیگرے پانچ گول کرکے نہ صرف میچ اپنے نام کیا بلکہ دو ہزار اٹھارہ ورلڈ کپ کا ٹکٹ بھی حاصل کرلیا، ڈنمارک کے اسڑائیکر اریکسن نے ہیٹ ٹرک اسکور کی۔


مزید پڑھیں: چارمرتبہ عالمی چیمپیئن رہنے والا اٹلی فٹبال ورلڈ کپ سے باہر


یاد رہے کہ پہلے لیگ میں آئرلینڈ اور ڈنمارک کے درمیان مقابلہ بغیر کسی گول کے برابر رہا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں