دوحہ: فیفا ورلڈ کپ گروپ ڈی کے اہم میچ میں آسٹریلیا نے تیونس کو ایک صفر سے ہرا دیا، دونوں ٹیموں کی جانب سے جارحانہ کھیل پیش کیا گیاتاہم جیت آسٹریلیا کے حصے میں آئی۔
دوحہ کے عظیم الشان الجنوب اسٹیڈیم میں ہونے والے میچ کے آغاز میں آسٹریلیا نے تیونس کے کھلاڑیوں نے پوری جان لگا کر ایک دوسرے کے پول پر تابڑ توڑ حملے کیے تاہم دونوں ٹیموں کو کامیابی نہ مل سکی۔
بعد ازاں آسٹریلیا نے پہلے ہاف کے 23 ویں منٹ میں گول اسکور کرکے پہلی سبقت حاصل کرلی جو مخالف ٹیم کی مسلسل کوشش کے باوجود میچ کے اختتام تک برقرار رہی۔
Australia secure the three points! 🦘@adidasfootball | #FIFAWorldCup
— FIFA World Cup (@FIFAWorldCup) November 26, 2022
تیونس کے کھلاڑیوں کو متعدد مرتبہ آسٹریلیا کے پول میں جاکر گول کرنے کے یقینی موقع ملے تاہم انہیں کامیابی نہ مل سکی اور مقررہ وقت کے اختتام پر انہیں ناکامی کا سامنا کرنا پڑا۔
آسٹریلیا کی جانب سے میچ کا واحد گول مچل ڈیوک نے گول اسکور کیا۔ قبل ازیں گزشتہ روز امریکا اور انگلینڈ کے میچ بغیر کسی گول کے برابر رہا تھا جبکہ ایران نے سنسنی خیز مقابلے کے بعد ویلز کو 0-2 سے شکست دی تھی۔