کراچی (19 جولائی 2026): فیفا ورلڈ کپ 2026 کا فائنل آج ارجنٹینا اور اسپین کے درمیان کھیلا جائے گا بڑے میچ میں ’’19‘‘ نمبر کر دلچسپ اور حیران کن چکر جانیے۔
فیفا ورلڈ کپ 2026 کا فائنل آج نیویارک کے شہر نیوجرسی میٹ لائف اسٹیڈیم میں دفاعی چیمپئن ارجنٹینا اور 2010 کی چیمپئن اسپین کے درمیان کھیلا جائے گا۔ شائقین لیجنڈری لیونل میسی اور نوجوانوں کے اسٹار فٹبالر لامین یامال کو مدمقابل دیکھنے کے لیے پرجوش ہیں۔
تاہم میگا ایونٹ کے سب سے بڑے میچ میں ’’19‘‘ کا ہندسہ اہمیت اختیار کر گیا ہے اور اس کا دلچسپ چکر مذکورہ دونوں اسٹار فٹبالر کے گرد گھومتا ہے۔
اس دلچسپ چکر کی بات کریں تو اس کا آغاز ’’19‘‘ سال قبل بارسلونا میں ہوا، جہاں نوجوان لیونل میسی اور پانچ ماہ کے بچے لامین یامال کی دلچسپ ملاقات ہوئی۔
لیونل میسی جو اس وقت سپر اسٹار فٹبالر نہیں بلکہ فٹبال کے میدان میں اپنی پہچان بنانے کی کوششوں میں تھے اور بارسلونا کے لیے کھیلتے تھے۔
’’19‘‘ سال قبل لمبے بالوں والے نوجوان میسی نے بارسلونا میں یونیسیف کے پروگرام کے تحت ایک چھوٹے بچے کو نہلایا اور گود میں اٹھایا۔ اس کے ساتھ تصاویر بنوائیں۔ یہ بچہ کوئی اور نہیں آج کا لامین یامال ہے۔
میسی اور بے بی یمال کی 19 سال قبل لی گئی یہ وائرل تصویر اصلی ہے؟
اس وقت لیونل میسی نے ’’19‘‘ نمبر کی جرسی پہن رکھی تھی، وہ نہ صرف بارسلونا کی نمائندگی کرتے ہوئے ’’19‘‘ نمبر کی جرسی پہنتے تھے بلکہ اپنا پہلا فیفا ورلڈ کپ کھیلنے کے لیے جب ارجنٹینا کی جانب سے 2006 میں میدان میں اترے تب بھی انہوں نے اسی نمبر کی جرسی پہن رکھی تھی۔
لامین یامال نے چند دن قبل ہی اپنی ’’19‘‘ ویں سالگرہ منائی ہے اور اب وہ بارسلونا کی نمائندگی کرتے ہوئے ’’19‘‘ نمبر کی جرسی پہنتے ہیں۔
آج جب دونوں ٹیمیں فائنل کھیلنے کے لیے میدان میں اتریں گی تو وہ تاریخ بھی ’’19‘‘ جولائی ہوگی اور لامین یامال نے جس نمبر کی جرسی پہنی ہوگی، اس پر بھی ’’19‘‘ ہی درج ہوگا۔
’’ارجنٹینا یا اسپین‘‘ فٹبال کی دنیا کا نیا حکمراں کون؟ فیصلہ آج ہوگا
