(8 جولائی 2026): امریکی صدر ڈونلڈ ٹرمپ نے امریکا اور بیلجیم کے درمیان پری کوارٹر فائنل میچ ہونے سے قبل ہی اس میچ کو فکس قرار دینے کا اشارہ دیا تھا۔
فیفا ورلڈ کپ 2026 میں میزبان امریکا کی ٹیم پری کوارٹر فائنل تک پہنچی، تاہم یہاں پہنچ کر اس کا میگا ایونٹ میں سفر اس وقت تمام ہو گیا جب بیلجیم نے اس کو 1-4 کے بڑے مارجن سے بدترین شکست دی۔
یہ میچ اس لحاظ سے بھی متنازع ہو چکا تھا کہ ریڈ کارڈ کے باعث معطل امریکی کھلاڑی بالوگن کو ٹرمپ کی مداخلت پر فیفا نے سزا موخر کر کے میچ کھیلنے کی اجازت دے دی تھی۔
Yes, FIFA has been very kind recently. pic.twitter.com/vHfKO1Ohm1
— Iran In Hyderabad (@IraninHyderabad) July 6, 2026
تاہم نے میچ جیتنے کے بعد بیلجیم کی آفیشل سوشل میڈیا ٹیم نے جشن کی تصاویر کے ساتھ مختصر پیغام ’اسے بدل کر دکھاؤ‘ شیئر کیا جو امریکی صدر کی مداخلت پر بالوگن کی معطلی مؤخر کیے جانے کی جانب ایک طنزیہ اشارہ تھا۔
میچ میں فتح کے بعد بیلجیئم کے کھلاڑیوں نے ’ٹرمپ ڈانس‘ کرکے بھی امریکی صدر کا مذاق اڑایا جس کی ویڈیو وائرل ہوگئی۔
Overturn this. 🧏♂️ #USABEL pic.twitter.com/KcBAJp3Z7d
— Belgian Red Devils (@BelRedDevils) July 7, 2026
تاہم میچ سے قبل ہی امریکی صدر ڈونلڈ ٹرمپ نے وائٹ ہاؤس میں اس کو فکسڈ قرار دینے کا اشارہ دیتے ہوئے کہا تھا کہ اگر امریکا یہ مقابلہ ہار گیا تو وہ اسے ’فکسڈ‘ قرار دیں گے۔
Trump: “If Belgium wins tonight, it was rigged just like the 2020 Election.” pic.twitter.com/vUqDxEabd2
— Spencer Hakimian (@SpencerHakimian) July 6, 2026
ٹرمپ نے کہا کہ دونوں ٹیمیں اپنی مکمل طاقت کے ساتھ میدان میں اتریں گی اور اگر بیلجیئم کامیاب ہوتا ہے تو اسے اس کامیابی پر فخر ہونا چاہیے۔
پھر انہوں نے طنزیہ انداز میں کہا کہ اگر امریکا ہارا تو وہ کہیں گے کہ یہ میچ بھی 2020 کے صدارتی انتخاب کی طرح ’فکسڈ‘ تھا، البتہ اس معاملے پر مزید بات نہیں کریں گے۔
تاہم بلیجیم کی فتح کے بعد صدر ٹرمپ کا اس حوالے سے مزید کوئی بیان سامنے نہیں آیا۔
