فیفا ورلڈ کپ گروپ سی کے میچ میں سعودی عرب نے ارجنٹائن کو 2- 1 سے شکست دے کر اپ سیٹ کردیا۔
فٹبال ورلڈ کپ میں سعودی عرب نے فیورٹ ٹیم ارجنٹائن کو شکست دے کر تاریخ رقم کی، ارجنٹائن کے معروف فٹبالر لائنل میسی بھی اپنی ٹیم کو شکست سے نہ بچاسکے۔
سعودی عرب کی جیت پر دارالحکومت ریاض میں بھی فٹبال شائقین کی جانب سے جشن منایا گیا جس کی ویڈیو سوشل میڈیا پر وائرل ہورہی ہیں۔
ویڈیو میں دیکھا جاسکتا ہے کہ ریاض میں فٹبال شائقین میچ دیکھ رہے ہیں اور جیسے ہی میچ ختم ہوا لوگ جیت کا جشن منانے لگے۔
#VIDEO: Fans in the Fan festival area in #Riyadh expresses happiness, as #Argentina's 36-game winning streak broken in moments by the Green Falcons @SaudiNT_EN #WorldcupQatar2022 pic.twitter.com/tkCWyR9b2H
— Saudi Gazette (@Saudi_Gazette) November 22, 2022
"سعودی عرب کے فٹبالر صالح الشہیری اور سلیم الدسیری نے گول کیے”
سعودی عرب کے خلاف میچ میں 10 ویں منٹ میں ارجنٹینیا کے شہرہ آفاق اسٹرائیکر لیونل میسی نے پیلنٹی پر اپنی ٹیم کو برتری دلوادی، ارجنٹینیا نے گول کی سبقت بڑھانے کے لئے سعودی عرب کے گول پوسٹ پر متعدد حملے کئے جسے گول کیپر نے ناکام بنایا، پہلے ہاف تک ارجنٹینیا کو 0-1 کی برتری حاصل رہی۔
دوسرے ہاف کے آغاز پر سعودی عرب نے بھی جارحانہ کھیل پیش کیا جس کا صلہ انہیں میچ کے 48ویں منٹ میں ملا جب صالح الشہیری نے گیند حریف ٹیم کے گول پوسٹ میں ڈالی اور مقابلہ 1-1 سے برابر کیا۔
فٹبال ورلڈکپ کا بڑا اپ سیٹ، سعودی عرب نے ارجنٹینیا کو ہرادیا
مقابلے برابر ہونے کے بعد دونوں ٹیموں نے جارحانہ انداز اپنایا اسی دوران سعودی عرب کے اسٹرائیکر سلیم الداسیری نے 53 ویں منٹ میں گول کرتے ہوئے اپنی ٹیم کو ایک گول کی برتری دلوادی جو کہ میچ کے آخر تک برقرار رہی۔
سعودی ڈیفینڈرنےآخری لمحات میں یقینی گول بچایا، ارجنٹینا کی ٹیم اضافی8منٹ میں کوئی گول نہ کرسکی۔
پولینڈ اور میکسیکو کی ٹیمیں مدمقابل آئیں گی
واضح رہے کہ گزشتہ روز کھیلے گئے میچ میں امریکا اور ویلز کا میچ 1-1 گول سے برابر رہا تھا جبکہ ڈنمارک اور تونسیا کا میچ جاری ہے، رات 9 بجے پولینڈ اور میکسیکو کی ٹیمیں مدمقابل آئیں گی۔
