بدھ, مئی 14, 2025
اشتہار

فرانسیسی فٹبالر امباپے نے ’معافی‘ مانگ لی

اشتہار

حیرت انگیز

دوحہ: قطر میں جاری فیفا ورلڈ کپ کا فائنل 18 دسمبر کو دفاعی چیمپئن فرانس اور میسی کی ٹیم ارجنٹینا کے درمیان کھیلا جائے گا۔

میگا ایونٹ کے فائنل سے قبل دونوں ٹیموں کی جیت سے متعلق پیش گوئیاں بھی کی جارہی ہیں کسی کی جانب سے ارجنٹینا کی کامیابی اور کوئی فرانسس کو فائنل کا فاتح قرار دے رہا ہے لیکن اس کا فیصلہ تو آئندہ دو روز میں ہوجائے گا کہ کون سی ٹیم ٹرافی اٹھاتی ہے۔

فٹبال ورلڈ کپ سے جڑی مختلف خبریں بھی سوشل میڈیا پر وائرل ہوئیں جسے مداحوں کی جانب سے سراہا گیا۔

ایسی ہی ایک خبر سامنے آئی ہے جس کے مطابق فرانسیسی فٹبالرکیلین امباپے کی ہٹ مداح کو لگی تو وہ مداح کے پاس معافی مانگنے کے لیے پہنچ گئے۔

ٹریننگ سیشن کے دوران امباپے کی جانب سے لگائی گئی ہٹ فرانسیسی مداح کے چہرے پر لگ گئی تھی جس کے بعد فرینچ اسٹار فٹبالر فوری مداح کے پاس پہنچے اور اس کی ناصرف خیریت دریافت کی بلکہ اس سے معافی بھی مانگی۔

سوشل میڈیا صارفین کی جانب سے امباپے کے اس احسن اقدام کو سراہا جارہا ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں