The news is by your side.

اسپین کی چھٹی، مراکش نے پہلی بار کوارٹر فائنل میں جگہ بنالی

دوحا: مراکش نے دو ہزار دس کی عالمی چیمپئن اسپین کو سنسنی خیز مقابلے کے بعد شکست دے دی، میچ کا فیصلہ پیلنٹی شوٹ پر ہوا۔

تفصیلات کے مطابق دوحا کے ایجوکیشن سٹی اسٹیڈیم میں کھیلے گئے پری کوارٹرفائنل میں مراکش اوراسپین مدمقابل آئیں، دونوں ٹیمیں مقررہ اوراضافی وقت میں کوئی گول نہ کرسکیں۔Image

میچ کا فیصلہ پنالٹی شوٹ آؤٹ پرہوا، جہاں مراکش کے گول کیپر نے یکے بعد دیگرے اسپین کے تین گول روک کر اپنی ٹیم کو فیفا ورلڈکپ کی تاریخ میں پہلی بار کوارٹر فائنل میں جگہ دلائی۔

یہ بھی پڑھیں: برازیل نے جنوبی کوریا کو چاروں شانے چت کردیا

مراکش کی تاریخی کامیابی پر پورے اسٹیڈیم میں جشن کا سماں رہا، مراکشی کھلاڑیوں نے سپورٹ کرنے پر شائقین فٹ بال کا شکریہ ادا کیا، بعد ازاں کھلاڑی نے سجدہ شکر بھی ادا کیا۔Imageاس سے قبل برازیل، کروشیا، دفاعی چیمپئن فرانس، انگلینڈ، ارجنٹینا، نیدر لینڈ کی ٹیمیں کوارٹر فائنل مرحلے میں پہنچ چکی ہیں۔

میگا ایونٹ کے تمام میچ اے اسپورٹس اور اے آر وائی زیپ پر براہ راست دکھائے جا رہے ہیں۔

Comments

یہ بھی پڑھیں