دوحہ: فیفا ورلڈ کپ کے کوارٹر فائنل مراکش کی پرتگال کے خلاف تاریخی کامیابی پر میدان میں جشن منانے اور جذباتی مناظر کی ویڈیوز سوشل میڈیا پر وائرل ہوگئیں۔
فیفا ورلڈ کپ میں مراکش نے پرتگال کو اپ سیٹ شکست دے کر پہلی مرتبہ سیمی فائنل میں رسائی حاصل کرلی ہے۔
عالمی فٹبال کپ کے کوارٹر فائنل میں مراکش نے فیورٹ ٹیم پرتگال کو 1-0 سے شکست دی، مراکش کی جانب سے یوسف النصیری نے شاندار گول اسکور کیا۔
مراکش کی جانب سے پہلے ہاف میں کیےگئے گول کو پرتگال برابر نہ کرسکا۔
پرتگال کی شکست کے ساتھ ہی میدان میں موجود مداح خوشی سے جھوم اٹھے تو کئی مداح اپنے جذبات پر قابو نہ رکھ سکے اور خوشی میں آبدیدہ ہوگئے۔
View this post on Instagram
اس سے قبل بھی مراکش کے کھلاڑی اشرف حکیمی کی تصاویر وائرل ہوگئی تھی وہ میچ جیتنے کے بعد بھاگتے ہوئے والدہ کے پاس پہنچے تھے اور ان سے دعائیں لیں۔
مراکش کے کھلاڑی سفیان بوفال کی والدہ کے ساتھ میدان میں رقص بھی کیا جس کی ویڈیو کو مداحوں کی جانب سے سراہا جارہا ہے۔
Morocco’s Sofiane Boufal celebrating with his mother is EVERYTHING.
— Ahmed Ali (@MrAhmednurAli) December 10, 2022
یاد رہے کہ مراکش کا سیمی فائنل میں مقابلہ انگلینڈ اور فرانس کے میچ کی فاتح ٹیم سے ہوگا۔ میگا ایونٹ کے تمام میچ اے اسپورٹس اور اے آر وائی زیپ پر براہ راست دکھائے جا رہے ہیں۔