site
stats
سندھ

کراچی، قانون نافذ کرنے والے ادروں نے 15 ملزمان کو گرفتار کرلیا

کراچی:‌ بھتہ و فطرہ کی جبری طور پر جمع کرنے کے واقعات کی اطلاع پر رینجرز اور پولیس نے کارروائی کرتے ہوئے 15 ملزمان کو گرفتار کرلیا ہے

تفصیلات کے مطابق رینجرز نے شہر کے مختلف علاقوں میں کارروائی کر کے 13 ملزمان کو جب کہ پولیس نے لیاری میں کارروائی کرتے ہوئے لیاری گینگ کے 2 کارندوں کوگرفتار کر لیا ہے،گرفتار افراد غیر قانونی طور پر فطرے کی رقم جمع کر رہے تھے چھاپے کے دوران گرفتار افراد سے مختلف اقسام کا اسلحہ اور فطرے کی پرچیاں بھی برآمد ہوئی ہیں۔

ذرائع کے مطابق رینجرز کی جانب سے جبری فطرہ اور زکوۃ جمع کرنے کی اطلاعات پر کارروائیاں گلشن اقبال، گلستان جوہر اور اطراف کے علاقوں میں کی گئیں جہاں سے 13 ملزمان کو گرفتار کرکے اسلحہ اور فطرے کی پرچیاں برآمد کر لیں ہیں۔

دوسری جانب پولیس نے لیاری میں کارروائی کر کے 2 ملزمان کو گرفتار کر لیا ہے، پولیس ذرائع کے مطابق گرفتار ملزمان کا تعلق گینگ وار سے ہے جو لوگوں سے بھتہ لینے کی واردتوں میں پولیس کو مطلوب تھے۔

گرفتار ملازمین کو کل مقامی عدالتوں میں پیش کر کے ریمانڈ لیا جائے گا جس کے تحقیقات کی روشنی میں مزید گرفتاریاں متوقع ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top