راولپنڈی: اختیارات کا بے دریغ استعمال، ایس ایچ او پیر ودہائی کے بھتیجے کے ساتھ جھگڑا بچوں کو مہنگا پڑ گیا۔
ایس ایچ او تھانہ پیر ودہائی کی ایما پر کمسن بچوں خلاف مقدمہ درج کرنے کر لیا گیا۔ ایڈیشنل ڈسٹرکٹ اینڈ سیشن جج مسعود اختر کیانی نے کمسن بچوں کی ضمانت منظور کر لی۔
مقدمے میں نامزد چاروں کمسن بچوں کی ضمانت 50 ہزار روپے کے مچلکوں کے عوض منظور کی گئی۔ کمسن بچوں کے خلاف ایس ایچ او چوہدری اویس اکرام کی ایما پر مقدمہ درج کیا گیا تھا۔ مقدمے میں ابراہیم، عبدالرحمن، حسین اور نعمان تھے۔
کمسن بچوں کی لڑائی ایس ایچ او پیرودہائی کے بھائی چوہدری جواد کے بیٹے کے ساتھ ہوئی تھی۔ کمسن بچوں کے خلاف 23 اکتوبر کو تھانہ ائیر پورٹ پولیس نے مقدمہ درج کیا تھا۔
عدالت نے چاروں کمسن بچوں کو 5 نومبر کو دوبارہ پیش کرنے کا حکم دیتے ہوئے سماعت ملتوی کر دی۔
