دبئی : متحدہ عرب امارات میں مقیم فلپائنی میڈ (دایا) نے بی ایم ڈبلیو کی لگژری کار انعام میں جیت لی۔
تفصیلات کے مطابق متحدہ عرب امارات کی ریاست دبئی میں مقیم فلپائن کی شہری نے دبئی میں یو اے ای ایکسچینج کے لکی ڈرا میں بی ایم ڈبلیو کی لگژری گاڑی جیت کر اپنے نام کرلی۔
مقامی خبر رساں ادارے کا کہنا تھا کہ فلپائنی میڈ (دایا) کی یو اے ای ایکسچینج کے لکلی ڈرا کے ذریعے جیتی گئی گاڑی کی قیمت تقریباً 83 لاکھ پاکستانی روپے بننتے ہیں۔
اماراتی خبر رساں ادارے کا کہنا ہے کہ سماجی رابطے کی ویب سایٹ پر یو اے ای ایکسچینج نے اعلان کیا کہ فلورنزا سانتوس لکی ونر ہیں جنہوں نے نئی بی ایم ڈبلیو 3 سیریز کار جیتی ہے۔
مقامی خبر رساں ادارے کا کہنا تھا کہ مذکورہ خاتون گذشتہ 11 ماہ سے دبئی میں ملازمت کررہی ہے۔
فلورنزا کا کہنا تھا کہ ’لکی انعام جیتنے کے بعد میں بہت خوش اور پُر جوش ہوں‘۔
ان کا کہنا تھا کہ میں انعام میں جیتی گئی گاڑی فروخت کرکے واپس فلپائن جاؤں گی اور اپنا گھر تعمیر کرنے کے بعد فلپائن میں ہی کوئی کاروبار کروں گی۔
اماراتی خبر رساں ادارے کا کہنا ہے کہ لاٹری کمپنی کے پاس مزید تین لگژری گاڑیاں موجود ہیں جو آئندہ ہفتوں میں انعام جیتنے والے خوش نصیب لوگوں کو دیا جائے گا۔
مزید پڑھیں : یو اے ای: پرتگالی شہری نے 1کروڑ 20 لاکھ درہم کی لاٹری جیت لی
یاد رہے کہ رواں برس کے آغاز پر سیاحت کی غرض سے متحدہ عرب امارات کے دارالحکومت ابوظہبی میں مقیم پرتگالی شہری نے انٹرنیشنل ایئر پورٹ کے ڈیوٹی فری لکی ڈرا بگ ٹکٹ سے پہلی مرتبہ خریدی گئی لاٹری سے ہی 1 کروڑ 20 لاکھ اماراتی درہم کی انعامی رقم جیتی تھی۔
