The news is by your side.

Advertisement

لو اسٹوری فلم ’’ دوبارہ پھر سے‘‘ کا ریڈ کارپٹ

کراچی : اے آر وائی نیٹ ورک کے صدر اور سی ای او سلمان اقبال نے کہا ہے کہ خوبصورت لو اسٹوری پر مشتمل فلم ’’ دوبارہ پھر سے ‘‘ بہت اچھی فلم ہے، اس کی 70 فیصد سے زائد شوٹنگ نیو یارک میں ہوئی ،اگلےسال اے آر وائی فلمز کے بینر تلے 10 فلمیں ریلیز کریں گے۔

dobara-post1

ان خیالات کا اظہار انہوں نے کراچی کے ایک مقامی ہوٹل میں اے آر وائی پروڈکشن کی فلم ’’ دوبارہ پھر سے ‘‘ کے ریڈ کارپٹ اور پریس کانفرنس کے موقع ہر گفتگو کرتے ہوئے کیا۔

پریس کانفرنس کے موقع پر فلم کے سات گانے بھی پیش کیے گئے، سی ای او سلمان اقبال نے کہا کہ اس سے قبل فلم ’’ لاہور سے آگے‘‘ سنیما گھروں میں آچکی ہے۔

dobara-post2

انہوں نے بتایا کہ اب فلم ’’ دوبارہ پھر سے‘‘ اور پھر اس کے بعد سال کے آخر میں ’’تین بہادر‘‘ اینی میشن مووی جو شرمین عبید چنائے کے ساتھ ہے وہ بھی ریلیز ہوجائے گی، فلمی شائقین کو معیاری تفریح سے لطف اندوز کرنے کے لیے فلم کی زیادہ تر شوٹنگ نیویارک اور کراچی میں کی گئی ہے۔

dobara-post3

انہوں نے بتایا کہ آئندہ سال کے لیے ہم پروڈکشن کی طرف چلے گئے ہیں اورایک نئی فلم ’’ میں پنجاب نہیں جاؤں گی‘‘ کی تیاریاں جاری ہیں، اس فلم میں ہمایوں سعید اور مہوش حیات مرکزی کردار ادا کریں گے یہ فلم بھی آئندہ سال سنیما گھروں کی زینت بنے گی۔

dobara-post-4

سلمان اقبال کا کہنا تھا کہ ہمارا آئندہ سال کا ہدف اپنی پروڈکشن کے بینر تلے 10 فلمیں بنانا ہے، ہم نے چار برس پہلے قوم سے وعدہ کیا تھا کہ ہم پاکستانی فلم انڈسٹری کو اتنا وسیع کردیں گے کہ لوگ اس پر فخر کر سکیں، اسی لیے ہم اپنی فلم شروع کرنے سے پہلے ایک بینر لگاتے ہیں تاکہ دنیا کو پتا چل سکے کہ یہ پاکستانی فلم ہے اور ہم کس سطح پر آچکے ہیں، اس فلم کی یورپ میں شوٹنگ کا یہی مقصد تھا کہ لوگوں کو معلوم ہو کہ ایک پاکستانی فلم کی شوٹنگ ہورہی ہے۔

dobara-post5

اے آر وائی فلمز کی پیشکش ’’دوبارہ پھر سے‘‘ کے ریڈ کارپٹ میں فلمی ستاروں کا ہجوم امڈ آیا۔ فلم کے مرکزی کرداروں صنم سعید اور عدیل حسین کا کہنا تھا کہ اس فلم میں بڑی کاسٹ کی بڑی محنت رنگ لائے گی۔

dobara-post6

پریس کانفرنس کے موقع پر پاکستان میں فلم نگری کی بحالی میں کردار ادا کرنے پر فلم کی ہدایت کار مہرین جبار نے اے آر وائی نیٹ ورک کی کاوشوں کو سراہا۔

25 نومبر کو ریلیز کی جانے والی فلم ’’ دوبارہ پھر سے ‘‘ میں عدیل حسین، حریم فاروق، صنم سعید سمیت دیگر ستاروں نے  اپنی اداکاری کے جوہر دکھائے گے۔

Print Friendly, PDF & Email

Comments

comments

یہ بھی پڑھیں