The news is by your side.

Advertisement

میں متاثرہ لڑکی ہوں مگر مجھ پر قتل کا الزام لگایا جارہا ہے، سوناکشی سنہا

ممبئی: بالی ووڈ اداکارہ سونا کشی نے کہا ہے کہ ’میں ایک متاثرہ لڑکی ہوں مگر مجھ پر جرم کرنے کا الزام لگایا جارہا ہے، یہ الفاظ بالی ووڈ اداکارہ نے اپنی نئی آنے والی فلم کا پوسٹر شیئر کرتے ہوئے سوشل میڈیا پر تحریر کیے۔

تفصیلات کے مطابق ابھے چوپڑا کی ہدایت کاری میں بننے والی فلم ’اتفاق‘ فلم دو متاثرہ کرداروں اور قتل میں ملوث ملزمان پر بنائی جارہی ہے، جس میں یہ دکھانے کی کوشش کی گئی ہے کہ ہر جرم کے پیچھے کوئی نہ کوئی وجہ چھپی ہوتی ہے۔

فلم میں اداکارہ سوناکشی سنہا اور اکشے کھنہ مرکزی کردار ادا کرتے نظر آئیں گے جبکہ  سدھارتھ ملہوترا سمیت دیگر اداکار بھی فلم کا حصہ ہیں ۔

فلم میں کنگ خان کو بھی کردار کی پیش کش کی گئی تھی تاہم انہوں نے اسکرپٹ پڑھنے کے بعد نجی مصروفیات کا عذر پیش کیا اور کام کرنے سے انکار کردیا تھا۔

بالی ووڈ اداکارہ سوناکشی نے سماجی رابطے کی ویب سائٹ پر فلم کا آفیشل پوسٹر جاری کرتے ہوئے لکھا کہ ’میں متاثرہ لڑکی ہوں مگر مجھ پر جرم کرنے کا الزام لگایا گیا ہے، کیا آپ میری کہانی سُننا چاہیں گے؟‘۔

بھارتی فلم ساز کرن جوہر نے اکھشے کھنہ کی تصویر والا پوسٹر شیئر کرتے ہوئے لکھا کہ ’یہ ملزم ہے جو سب سے سچ سننے کی خواہش رکھتا ہے اور اسے کسی پر بھروسہ نہیں ہے‘۔

سدھارتھ ملہوترا نے فلم کا پوسٹر شیئر کرتے ہوئے لکھا کہ ’مجھ پر ایسے جرم کا الزام ہے جو میں نے نہیں کیا،میری کہانی کا انتظار کریں‘۔

کنگ خان بھی فلم کے آفیشل پوسٹر پر خاموش نہ رہے اور انہوں نے سماجی رابطے کی ویب سائٹ پر اکشے کھنہ کی تصویر شیئر کرتے ہوئے لکھا کہ ’ فلم کا آفیشل ٹریلر کل جاری ہوگا جس میں دیکھیں گے کہ ہر جرم کے پیچھے ایک ملزم  ہوتا ہے جس کے پیچھے کوئی نہ کوئی کہانی چھپی ہوتی ہے‘۔

ابھے چوپڑا کی ہدایت کاری میں بننے والی فلم 3 نومبر کو سینیما گھروں میں نمائش کے لیے پیش کی جائے گی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں