ایکسائز اہلکاروں نے فلم اسٹار شان کو بھی نہ بخشا Film Star Shan
The news is by your side.

Advertisement

ایکسائز اہلکاروں نے فلم اسٹار شان کو بھی نہ بخشا

لاہور: محکمہ ایکسائز کے اہلکاروں نے فینسی نمبر پلیٹ گاڑیوں کے خلاف کریک ڈاؤن کرتے ہوئے پاکستان کے معروف اداکار شان کو بھی نہ بخشا اور گاڑی سے فینسی نمبر پلیٹ اتار دی۔

تفصیلات کے مطابق محکمہ ایکسائز نے گزشتہ ایک ماہ سے فینسی نمبر پلیٹس کے خلاف کریک ڈاؤن جاری کیا ہوا ہے، ایکسائز کے اہلکار پنجاب کے مختلف علاقوں میں کارروائی کر کے فینسی نمبر پلیٹ گاڑیوں کے خلاف سخت ایکشن لے رہے ہیں۔

محکمہ ایکسائز کی جانب سے شہر کے مختلف علاقوں میں ناکہ بندی کی جاتی ہے اور گاڑیوں کو روک کر اُن کے کاغذات چیک کیے جاتے ہیں، لاہور کے علاقے لبرٹی میں ناکے پر موجود اہلکاروں نے گاڑی روکی تو اُس میں اداکار شان موجود تھے۔

اہلکاروں نے فلم اسٹار شان کی گاڑی پر فینسی نمبر پلیٹ آویزاں دیکھی تو اجازت لے کر انہیں فوری طور پر اتار دیا اور قانون کے مطابق سادہ نمبر پلیٹ لگانے کی ہدایت بھی کی۔

Comments

comments

یہ بھی پڑھیں